網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年6月18日 星期四

3,500萬買相連獨立屋 佘詩曼資產成功破億 [壹週刊 - 1319] 佘詩曼,M1,



手揸過億物業,難怪早前阿佘辭演新劇,唔想再捱。

探熱針

3,500萬買相連獨立屋 佘詩曼資產成功破億

賺完人仔再高價返娘家的佘詩曼,去年憑回巢劇《使徒行者》成雙料視后,加上電影一部接一部,獎品獎金,全擸!進賬多,換磚頭,出手鋪鋪過千萬。今年初,阿佘斥資三千五百多萬購入西貢相連獨立屋;手揸五個物業的她,資產已累計過億。

買樓如辦年貨

屬於穩陣派的佘詩曼,過去十年因為買磚頭,將身家愈滾愈大。一○年開始返內地賺人仔後,戶口「水浸」,彈藥足夠的她,出手吓吓過千萬,包括現居畢架山帝景峰,是一一年以一千八百多萬購入。

之後,阿佘就好似辦年貨一樣,幾乎每年都有郁手。據地產界消息指,阿佘於一二及一三年間,分別以三千多萬買入跑馬地紀雲峰一個千呎單位,以及幾近八百萬的紅磡昇御門,截至去年,手持的物業賬面值接近七千萬。

侍母至孝的阿佘,送給母親佘陳鳳蓮的大屋值一千七百四十八萬。

早前有傳阿佘與好姊妹周家怡為爭仔(新加坡富豪)而反目,但二人立即把飯局相放上網打破謠言。

大台半億留人

億元關口在望,去年憑《使徒行者》中「釘姐」一角,成雙料視后的阿佘,目標明確,賺幾多錢,換幾多磚頭。今年初,她一口氣以三千五百多萬,買下屬於西貢優質地段之一,位於南山的兩幢相連獨立屋,一間送阿媽,一間獎勵自己。

「佢哋幾姊弟係媽咪獨力養大,所以阿佘好孝順媽媽,揀相連獨立屋除咗方便自己偶然可以去住吓,投資價值亦會高啲,所以阿佘其實好叻。」知情者說。

獨立屋是新落成,位置雖然較偏僻,但自成一國,重點是背山面海好風水,地下的花園面積有近二千呎;相連獨立屋現正裝修中,預計年底可以入伙。

資產逾億,阿佘成功達陣,全因財來有方。有指今年底約滿無綫的她,早已被明年四月開台的港娛睇上眼,不斷有所動作,希望從無綫手中撬走這個一姐,大台不容有失,不惜一擲半億成功留人。

今年二月,她擲三千多萬買下的西貢南山相連獨立屋,現正趕工裝修。

屋內花園超大,近二千呎。

南山新屋位置雖然偏僻,但露台睇到成個西貢海景。

有租收冇壓力

雖然愈來愈有,但阿佘收埋富貴,從不炫富。

「阿佘同好多圈中人一樣,買嘢唔一定用自己名。好似之前買跑馬地同紅磡嗰兩個單位,都係用秘書公司 hold,所以冇乜人知。而家跑馬地個單位收緊八萬租,所以阿佘冇乜供樓壓力;之前佢推咗《呂后傳》,都係因為要戴住十幾磅古裝頭套,隨時會令佢頸椎舊患復發,阿佘話錢賺唔晒,無謂搵命搏。」知情者說。

有籌碼就有數講,揸住過億磚頭的阿佘,自然健康優先。

阿佘自幼喪父,幾姊弟由母親獨力撫養成人,故兩母女感情要好,近日以千萬磚頭報答母恩。

一○年返內地吸金的阿佘,共拍了四套內地劇,其中《建元風雲》是最大製作。一四年回巢做無綫一姐。

○九年她跟鄭嘉穎分手後,自此再冇公開戀情。其間有傳她搭上 C姓富豪。而鄭嘉穎則找到比他年輕廿年的港姐陳凱琳。

身家億億聲的她近年錫身,唔拍劇只拍電影。年初的《衝上雲霄》後,與張智霖「重逢」的《十月初五的月光》電影版亦剛埋尾。之後為另一電影《使徒行者》埋位。

視后變樓后

97年選港姐得季軍入行的佘詩曼,可以稱得上是 in born的女主角,在大台紅足十幾年,更由視后變樓后。

一二年阿佘低調買入三千多萬的跑馬地紀雲峰,並月租八萬出租,供樓冇壓力。

鍾意就快D Share啦!