網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年6月19日 星期五

大細契輪住走 賭船登台勁賺 500萬  64歲李司棋晒命:走得太遲 [忽然1周 - 1038] 李司棋,MW,



未開場前,司棋姐在台前綵排,試音十分認真。要睇司棋姐唱歌,船票由千五至三千元不等,絕對唔平。

滾熱辣

大細契輪住走 賭船登台勁賺 500萬  64歲李司棋晒命:走得太遲

07年的《溏心風暴》,李司棋及關菊英因飾演「大、細契」人氣爆燈。可惜近年無綫力捧新人兼劇集跌 watt,令一眾有分量的甘草走得就走。繼李司棋今年一月約滿離巢無綫後,關菊英亦即將於 7月約滿。無綫為留菊姐,年頭已催菊姐續約,更罕有加薪兩成,但菊姐拖得就拖,擺明意興闌珊。

大、細契輪住走,皆因登台搵到食又自由身。離巢未夠三個月,李司棋便接了賭船登台, 6月份演出七場,每場穩袋 70萬,半個月已勁賺五百萬。最近更有製作人游說她明年開個唱及出唱片, 64歲李司棋進軍樂壇,仍然有價有市。

處女星號打正旗號用李司棋去吸客,每場都爆滿。

據知菊姐登台賺錢勁過無綫份人工,若果劇本滿足不到她,即使加人工也不能打動她。

6月 11日晚,本刊直擊司棋姐賭船登台。現場所見,船上劇場爆滿,有近四百名觀眾。司棋姐唱足一小時,即使她並非唱家班出身,但唱得有板有眼,加上她談笑風生,令在場觀眾喝采聲不絕。其間大批觀眾更湧到台前,甚至衝上台跟她合照。她竟搞笑回贈一句︰「喂!我未唱完㗎!做咩衝晒出嚟。」

工作人員爭相跟司棋姐合照,司棋姐開心笑到見牙唔見眼。

曾航生當晚擔任司棋姐嘉賓,唱出首本名曲〈再見亦是朋友〉。

fans衝上台

雖然上船睇騷花費不菲,不過會場內坐滿司棋姐的 fans。

個騷未完, fans蜂擁上前拍照,引起混亂,更有人跌倒,要工作人員上前驅趕及維持秩序。

部署明年開個唱

司棋姐說今次登台是她的試金石,皆因早前有資深音樂人及製作人游說她出唱片及明年開個唱,更強調會為她創作情歌。本來她還欠缺信心,但今次登台反應好,給她打了支強心針。

當晚司棋姐一共唱了包括〈漫步人生路〉、〈一水隔天涯〉、〈路邊的野花不要採〉、〈嘆拾聲〉、〈啼笑姻緣〉等十首歌曲,更邀來曾航生做嘉賓。

完騷之後稍事收拾,司棋姐才去消夜醫肚,因為演出前不宜進食,消夜前她接受本刊訪問時說︰「哈哈,我真係冇諗過自己呢個年紀仲唱情歌,所以我叫佢(音樂人)俾我諗諗先。佢話如果你有一隻屬於自己嘅歌,可以喺演唱會一開始就唱,或者壓軸時唱會更好。但件事嚟得太快,我需要時間考慮。開個唱我冇問題,但講到出碟,諗起要上《勁歌》,真係未接受到。」

問到音樂人是誰?司棋姐卻賣關子:「係位男士,邊個唔講住嘞,成事至公布!」問她是否黎小田時?司棋姐笑一笑,沒承認也沒否認:「唔講住第日至話你聽」

演唱會未開,司棋姐以今次的賭船騷作熱身,由度台詞、揀衫、搵嘉賓,她都一腳踢。她說︰「可以同 fans近距離接觸,真係好開心。以前拍劇都係扮人,但今次面對觀眾,是真正嘅李司棋。」

司棋姐曾在 82年聯同何守信、沈殿霞、趙雅芝、石修等十幾位大台藝員,推出過一張名為《群星高唱》的唱片。

今年 3月播出的《水髮胭脂》,是司棋姐離開大台前最後一部電視劇。

復出勁吸金

咪以為娛樂圈只有靚仔靚女才吃香,近來不少資深歌手、藝人重出江湖開個唱,一樣勁吸金。

朱咪咪 40萬

朱咪咪登台走埠多年,雖然今年已 60歲,但身價愈來愈高,每年演唱會長做長有。

顧嘉煇 100萬

已宣布退休的顧嘉煇,雖已屆 82歲高齡,但憑他多年在樂壇的地位,今年的十二場《顧嘉煇榮休盛典演唱會》,陣容鼎盛,嘉賓粒粒巨星,有鄭少秋、汪明荃、葉麗儀、容祖兒、張智霖等,難怪酬勞乃巨星價。

Joe Junior 10萬

Joe Junior今年 67歲,之前是歌手及鼓手,首本名曲曾創連續七周上流行榜首,之後轉型演出電視劇為主。六十歲復出仍然 rock得起,身價一點都不弱。

尹光 20萬

66歲的尹光,有「廟街歌王」稱號, 91年試過一年在紅館開三次演唱會,成為一時佳話。

任開價都唔留低

大晒私伙

司棋姐擔心賭船做騷時的保安問題,所以只戴一些較便宜的意大利首飾,但是每件「平嘢」其實都要幾千元。

離開大台,司棋姐感到如釋重負︰「好多人問我做乜咁遲至走?真係!我都覺得自己走得太遲!今時今日唔使俾張合約綁住都有飽飯食,點解仲要好似以前咁,一味聽話、任人安排啫!?我諗通諗透,覺得係時候改變!」她坦言臨走前傾續約,無綫首次任她開價,但因為她去意已決,錢不再是關鍵。

司棋姐坦言拍劇很辛苦,當年拍《輪流傳》時試過八日沒有回過家。零五(凌晨五點)收工、零六(凌晨六點)再開工,只來得及在電視台洗手間沖個涼、洗個己爭取,四十幾年從未上過電視台寫字樓,提出要點要點,要加幾多人工,更加唔會要求瞓多幾個鐘,因為咁即是要其他同事更加辛苦啫。」

支持菊姐離巢

菊姐不太滿意《名門暗戰》的劇本,更有感近年無綫製作每況愈下,令她不願續約大台。

唔講唔知,司棋姐當年亦唱過劇集片尾歌,亦被讚唱得不錯。但早已是當家花旦的她,從未要求過唱劇集主題曲。「唔會要求呢啲,好多是非,我怕怕!」

問到知否關菊英也對無綫意興闌珊,她說:「(佢)又唔係搵唔到食,做乜唔走啫?況且不久將來電視圈會有一番新景象,唔會再一台獨大!依家新人多,遲啲遲啲會好㗎嘞!」

記者致電關菊英和黎小田,不過截稿前菊姐一直未回覆。而小田哥則否認為司棋姐作歌,表示:「唔係我呀!我自己都忙緊其他嘢!」

無綫失勢,莫講花旦、小生陸續走,連老戲骨都留唔住,難怪新劇收視插水,要猛推舊劇救亡了。

離無綫風生水起

近年藝人離開無綫後,身價暴漲,工作接踵而來,可謂風生水起。

林保怡 三年賺億

2012年離開 TVB後,先拍了日劇《 Stranger 6》,再接拍了《太平輪:亂世浮生》、《破局》等五部電影,同時還拍了《雙雄》、《屯戍西疆》等四部電視劇,豬籠入水。

楊思琦 密食千萬

離開無綫後,楊思琦隨即跟纖體公司簽下過百萬的代言合約,之後又密密接商場騷及登台,加上主持有線節目《往事並不如煙》、拍內地劇《歲月驕陽》及電影《辣警霸王花》等,大小通吃令她年賺千萬。

林峯 爭做影帝

為了踏上影帝之路,林峯去年決定離大台加盟英皇,加盟後首個工作雖然是拍內地劇《衞子夫》,但英皇強調會以電影為主,為林峯開戲爭影帝。

鍾意就快D Share啦!