光頭佬麥嘉，係娛圈光頭佬嘅鼻祖，70年代至90年代活躍於電影圈，佢同光頭仔演父子，深入民心㗎！真係可以講句「好細個就睇佢喇！」
麥嘉已經好耐冇喺娛圈出現，直頭消失咗咁，早排喺太子見到佢去五金舖買膠喉，話晒今年七十有一嘅佢，喺街見到佢都未必認得，不過佢一開口用獨門嘅台山腔講廣東話就露底喇！一聽就認得出係佢喇！
冇見咁耐，麥嘉繼續keep住個招牌光頭，不過招牌鬍鬚就稀疏咗好多喇，仲有個小小嘅肚腩仔㖭！咪睇佢已經七張嘢呀，佢都keep得好好㗎！攞住廿呎嘅膠喉一啲都唔手軟㗎！仲步履輕盈，睇埋佢個側面，點睇都唔似伯伯似叔叔多啲喎！
