掃呢頁CODE去手機

2015年6月9日 星期二

坐月洗米嫂攬大女自拍 晒B女腳仔相 洗米嫂,周焯華,洗米華,陳慧玲,



洗米嫂陳慧玲前幾日好大陣伏咁抱住小米B女返澳門,仲大晒小米B女嘅閨房,房內布置件件靚嘢,最精警嘅當然就係繡喺枕頭上個句「First Class Princess」,而老豆洗米華(周焯華)更親自為囡囡攞出世紙,呢個「First Class Princess」都係名副其實嘅!不過,「First Class Princess」又點止一個,今日洗米嫂就係FB晒咗張攬實大女「梓潼」嘅自拍照,佢仲上載埋細女「善潼」嘅腳仔相,留言話:「眨下眼,你已經由BB變成今日咁大個了~」,洗米嫂之後回覆朋友留言時,仲話呢張相係佢趁梓潼沖涼,走廁所同佢影,囡囡連衫都未著。

仲坐緊月嘅洗米嫂,本來嘅健康膚色,睇落已經白番好多,不過佢同朋友講已經忍唔住出露台晒太陽,結果搞到傷風,今日都唔敢行近細女身邊。朋友就勸去少啲吹風,始終都仲係坐緊月,而洗米嫂仲預告過兩日同BB拍靚靚寫真添。
鍾意就快D Share啦!