掃呢頁CODE去手機

2015年6月13日 星期六

女拔十優狀元選港姐 劍橋法律系畢業 港姐,



【大熱冇得輸】女拔十優狀元選港姐 劍橋法律系畢業

2015-06-13 10:58:00



女拔十優狀元麥明詩,去年劍橋法律系畢業,今年參選港姐,即成大熱之選。 TVB fb專頁圖片(左圖)

今屆港姐面試前日開始,多得無綫fb專頁小編一次過貼咗134張候選佳麗圖,真係……話唔驚嚇就呃你。好多網民留言都頗………尖酸,咁可能係因為大家對港姐都有一定期望,見到落差咁大,反應亦自然大。

但係,喺fb專頁呢134位佳麗中,不乏靚女,而且亦有一啲真係一出嚟已經係唔使選都有冠軍相——包括圖中呢位美女,最多like係佢,但亦有神通廣大網民(定朋友?),幫佢披露身份。原來佢就係09年拔萃女書院十優狀元麥明詩。父親係聖公會林護紀念中學副校長麥卓生,母親係職業治療師;麥明詩哥哥都係資優生,會考獲4A4B,曾於中大讀醫科。

麥明詩自小習跳芭蕾舞,聲樂達八級。09年佢成為十優狀元,接受傳媒訪問時,表示會接受拔尖,首選係入讀香港大學法律系。當年麥明詩收到滿分成績單嗰陣,喜極而泣,又表示早已立定志向,視立法會議員吳靄儀及余若薇為目標,投身政界。去年劍橋大學法律系畢業,估唔到竟然選擇參選港姐。以其高班質素,想輸,好難喎!



網民於無綫fb專頁披露麥明詩身份。

鍾意就快D Share啦!