掃呢頁CODE去手機

2015年6月23日 星期二

港劇時代終結?港視錄虧損發盈警 無綫《風雲天地》強國味濃捱轟 港視,無綫,風雲天地,



「電視無得做!」

究竟王維基呢番話係咪真理,可能從香港電視(1137)嘅股價表現略懂一二。港視尋晚發盈警,公司預期截至2月底為止,半年虧損將錄得非常重大增加。

當日抱住一股熱血、滿腔熱誠,背城借一投放5億資源,結果換來今日股價狂瀉,下試全年新低。值得不值得?起碼王維基令唔少觀眾知道港劇原來可以咁拍,實況得嚟有戲劇張力,唔係一味婆婆媽媽,只係用唔同職業去包裝同一個故事。

呢邊廂王維基宣布唔玩,那邊廂獨大嘅無綫就同阿里合作,觀眾最擔心當然係睇咗幾十年嘅港劇會變成內地劇其實冇得擔心,事關家陣已經係咁。

尋晚播出由王晶編導嘅中港鉅製嘅《風雲天地》首集,劇種又係爭產唔在講,晶女郎孟瑤童菲輪住出場都算,最令人唔舒服嘅係,即使汪阿姐劉愷威黃德斌等演員講晒廣東話,但對白老土,內地味濃。

好彩劇中仲有一個演員算係幾有新鮮感,陣間睇片開估。

鍾意就快D Share啦!