韓國呢排爆發MERS疫情，又話隔離過千人觀察，真係嚇親唔少人呀！
之但係追星呢家嘢，點會對粉絲有影響。金鐘國同女團T-ARA今朝坐早機嚟香港，為今晚嘅青年音樂節準備。去到仁川機場，金鐘國就包到似去疫區咁，T-ARA就係普通機場look。睇吓佢哋到咗香港落機個樣，都係一人有一種態度㗎！戴住帽嘅金鐘國拎住個口罩出嚟，笑容滿臉同粉絲打招呼，仲嘗試喺咁混亂嘅情況下簽名，真係親切到爆。
至於T-ARA就cool咗啲，6位成員都冇除口罩，但禮物就照收。都係嘅，MERS係點傳染，韓國政府仲未搞得清楚，保持距離，雙方都安全啲
