掃呢頁CODE去手機

2015年6月17日 星期三

老公除婚戒孖索女暗角調情 小環忙搞魚蛋檔懵然不知 小環,譚小環,



【背妻偷食】老公除婚戒孖索女暗角調情 小環忙搞魚蛋檔懵然不知

2015-06-17 10:00:00



(資料圖片)

離開大台嘅譚小環近年轉戰開魚蛋檔做老闆娘,平時一得閒就落銅鑼灣間小食店幫手,店舖係由老公蔡強榮投資開嘅,生意不知幾好,不過呢間店似乎變成老公隱瞞偷食嘅「工具」,小環一直忙於搞小食店同手作素材店,好似有啲嘢懵然不知,今日有周刊指,小環老公背妻偷食,同一個後生索女去圓方約會。

據報道表示,小環老公蔡強榮上周五被影到約咗一個身材均勻嘅後生女去九龍站圓方蜜會,一齊食飯嗰陣,疑小環老公除咗結婚戒指,同女方傾得好投契,更主動仲用索女嘅貼身按摩棒嚟按摩,反而,蔡強榮偷嗒嘅索女,竟然比蔡強榮仲避忌,食晏時四圍望,走嘅時候,又刻意戴眼鏡同口罩。

報道又指,離開餐廳後,蔡強榮同索女去咗暗角位等車,唔知係唔係見人少少,就放低戒心,蔡強榮主動掹對方衫尾、捉玉手,身體仲貼向女方,最後坐上白色七人車載女方離開。

講番個女仔點解咁避忌,原來佢自己都有個正印男友,周日被周刊影到索女同正印男友去啟德郵輪碼頭拍拖,難怪當日同小環老公蜜會,報道更引述知情者講,小環老公蔡強榮現時做緊保險公司區域總監,成日以見客為由,瞞小環外出偷食,由於小環老公對生活享受要求高,又口甜舌滑,盛傳有唔少「散餐」。

鍾意就快D Share啦!