掃呢頁CODE去手機

2015年6月14日 星期日

為愛女四季豪擺百日宴 梁詠琪︰辛苦過開演唱會 梁詠琪,



梁詠琪同西班牙籍丈夫Sergio結婚3年,今年2月生埋囡囡Sofia祈淑菲。今日佢為愛女喺四季酒店搞百日宴,邀請2百幾個親友出席,有許如芸外、張艾嘉、丁子高等,場面盛大。

為咗愛女可以有幾盡,梁詠琪除咗準備多款可愛小食,又請埋魔術師表演,現場仲有跳彈床、吹氣城堡,十足兒童魔術王國一樣。「搞百日宴辛苦過開演唱會,因為上台演出嗰陣,有同事安排一切,但今次場地、聯絡同活動流程,都由自己一手包辦。」佢事先講明呢個百日宴,人情要折現,原來係為「尼泊爾地震救援」籌款,「搞百日宴係想周親友一齊分享呢份喜悅,Sofia好幸運,出世之後,已經收到好多親友、贊助商送嘅禮物。所以希望呼籲出席嘅親友,直接將買禮物嘅善款捐去尼泊爾。」呢個媽咪真係sweet到漏!

鍾意就快D Share啦!