今年8月就50歲嘅美魔女羅霖，嚟緊會喺7月書展推出首本個人相集《Timeless》，羅霖仲話今次出相集，係想同大家分享保養嘅重要性，仲想話畀大家知任何年齡都唔好放棄自己嘅理想同目標。
今次羅霖嘅相集仲會為慈善出一分力，佢話：「施比受更有福，相集嘅部份收益會撥捐「心蓮心」，幫助一些被虐嘅孩子同婦女，等佢哋重拾信心，再次投入社會，甚至會幫助其他人。」
今次相集喺首爾取景，由當地著名攝影師親自操刀，呢個攝影師仲影過金宇彬及池昌旭等著名韓國藝人，今次羅霖嘅造型除了一貫嘅高貴look之外，仲為佢度身訂造咗運動同冷艷風格，佢話：「今次造型好大突破，這次相集有幾十款唔同造型，我希望可以令大家耳目一新。」
而喺影相集嘅行程入面，羅霖每日都要馬不停蹄影10幾個鐘。令佢最深刻嘅係：「有晚，三度兼落雨既晚上，我著住tube top係戶外拍攝，又凍又餓，又怕影響件衫唔敢貼暖包，只好咬緊牙關撐住。另外有日拍攝運動裝，要冒雨來回跑十幾次，為左拍攝效果，我都堅持做到最好。」
|
鍾意就快D Share啦！
|
|
|
