掃呢頁CODE去手機

2015年6月13日 星期六

十優狀元選港姐 撐雙普選:一定係香港大方向 港姐,



【女拔+劍橋高材生】十優狀元選港姐 撐雙普選:一定係香港大方向

2015-06-13 11:25:00



(左圖為TVB fb專頁圖片)麥明詩當年成為女拔十優狀元,自言理想係做高官,甚至特首,更痛批時任特首曾蔭權施政進退失據。

女拔十優狀元、去年於劍橋法律系畢業嘅麥明詩,網民幾乎一致俾like,大讚佢有冠軍相,樣子甜美大方有氣質。不過,原來麥明詩當年高中狀元之時,佢嘅夢想,係做女高官。

09年麥明詩考獲十優,接受傳媒訪問時謂:「想做高官,可能律政司,甚至諗過做女特首。」麥明詩於訪問中謂,指爭取民主、雙普選一定係香港大方向,環境問題亦十分重要,解決空氣污染刻不容緩。

雖然擔任副校長嘅父親笑女兒想做特首嘅宏願係「發夢」,但麥明詩不以為然:「最理想係加入政府,親自改善施政。」當年,時任特首,係曾蔭權。

麥明詩當年喺訪問中更指出,政府施政有缺失,好多政策拖得太慢,又經常要被市民投訴後才認真處理問題,例如早前的旅發局大花筒事件,好多政策拖得慢,往往被市民投訴後才認真處理,故此希望從政扭轉敗局。

立志讀法律嘅麥明詩,去年於劍橋法律系畢業,向偶像——吳靄儀及余若薇目標進發,由法律界逐步投身政界。參選港姐,是為了人生經驗乎?



09年8月5號,麥明詩得悉自己考獲十優,喜極而泣。





鍾意就快D Share啦!