帶你進入奇妙世界、充滿童話幻想的迪士尼樂園，昨日發生非一般想像的如幻是真事件！一名身型肥胖的紅衣「大媽」，公然在巡遊進行期間、悠揚的Flight of Fantasy樂韻中，在樂園內曬胸圍及內褲，《蘋果》讀者偶遇事件，極為側目。
「我睇到都好詫異，咁核突嘅，擺啲咁嘅嘢喺度！」一家大細去迪士尼樂園玩的李先生，口中所講的核突嘢，就係一位大媽在樂園涼亭內晾曬的胸圍內褲。「有Bra、紅白間底褲、長褲...」李先生稱，當時大概是下午4時，巡遊已經開始，他與家人剛進入樂園，就在美國大街入口與火車站之間的涼亭，準備搵個靚位影相時，發現該堆內衣褲，於是立即按動相機快門。
李先生表示，職員很快便發現有人晾曬內衣褲，立即勸喻一位大媽把它們收起，但大媽收起後不久，又在另一邊欄杆再把內衣褲拿出來晾曬，職員發現再上前干涉。「好不滿，大家嚟玩，唔係屋企樓下，冇理由擺啲咁嘅嘢出街，自己屋企咩？真係有損市容！」李先生無法猜測大媽用意，無奈地說：「可能天氣熱玩到濕晒啩！」據李先生觀察，未見大媽有朋友同行，又說：「聽到佢講國語」。
|
鍾意就快D Share啦！
|
|
|
