周董(周杰倫)除咗係音樂才子之外，原來都係商業奇才！佢喺2006年就開始踏足商界，除咗投資潮流服飾品牌「PHANTACi」，搞到依家有4間分店之外，仲用「Mr.J」個名開埋意法餐廳同日式豬排店！另外又開埋「不能說的秘密主題餐廳」同埋「藤原豆腐店」，喺2013年仲正式成立埋「MRJ品牌管理公司」！近年佢再睇中網上市場，開埋「J concept」網路銷售平台，半年已經賺咗成千萬喇！周董做生意咁叻，知道昆凌想開咖啡店，就梗係傾盡人力物力幫老婆圓夢啦，咖啡店亦將會喺10月正式開張！嫁個咁嘅老公真係有錢又有面呀！
