掃呢頁CODE去手機

2015年6月5日 星期五

太極勝在有 face [忽然1周 - 1036] 太極,MW,



阿 Lam同太極合唱〈真的漢子〉、〈敢愛敢恨〉,仲讚佢哋:「 30年搵個朋友都唔易,何況夾 band 30年!」

媽咪姐

太極勝在有 face

紅色的跑車是帶着神秘,零星的街燈充滿樂與悲…… yoyoyo!一見到太極,媽咪姐收埋喺牀下底嘅音樂細胞即刻湧晒出嚟!啱啱睇咗佢哋入行 30年演唱會,全場真係勁 high呀,首首都識跟住唱唔在講,仲要啲嘉賓個個都係天皇巨星,抵睇到呢!

主音雷有暉介紹阿 Lam出場嗰陣仲話:「以下呢位朋友好鍾意瞓覺,佢 10點鐘就要瞓!」嘩!唔係堅 friend,邊敢咁講笑呀。着住牛仔褸嘅阿 Lam仲爆結他手 Joey Tang要求佢着西裝上台,醒目嘅雷有暉即刻補飛:「西部牛仔裝 ok!」點知阿 Lam真係勁 high,又唱又講 overtime咗,搞到雷有暉都忍唔住話:「唔好講咁多喇,趕住返去瞓。」

嗱,唔止阿 Lam唔捨得走,年年 25歲嘅譚校長都同成班溫拿戰友齊齊上台玩,仲一上台就衰衰咁笑人:「嘩!你哋唱咗 30年喇!」到俾人反問溫拿唱咗幾多年,校長就鬼馬咁話:「點知呀?吖,今晚氣氛好好,紅色私家車唱咗未?」噢,校長你好「爛」呀!

67歲嘅林子祥,上到台唔想走,仲扮 cute㖭。

天后級嘅陳慧嫻,上台唱 rock版〈跳舞街〉,點知隻大戒指拮到雷有暉見紅㖭。

走開公子路線嘅黎明,戴埋皮頸圈襯番太極,仲話從來只有人等黎明,估唔到今次做嘉賓要等番太極嗌佢上台。

溫拿係壓軸嘉賓,校長、阿 B唱歌,陳友真係打埋鼓,堅認真!

老咗仲型

睇番太極初出道嘅相,再對比依家。男人真係襟老啲!

鍾意就快D Share啦!