掃呢頁CODE去手機

2015年6月10日 星期三

一家親 潘源良同未來外母住埋 李麗珍平租黎耀祥千呎屋 [FACE - 420] 潘源良,李麗珍,黎耀祥,MF,



碧堤半島愛巢除咗珍妹同潘源良,還有另一位年長女士, 49歲珍妹向本刊甜到漏承認:「嗰個係我阿媽嚟㗎!」

真面目

一家親 潘源良同未來外母住埋 李麗珍平租黎耀祥千呎屋

有一種愛情叫〈最愛是誰〉,有一種緣份係當潘源浪遇上李麗珍: 86年一見鍾情、 92年再聚再散、 07年三度復合,即刻要引番句歌詞贈下慶先:「在世界尋覓愛侶,尋獲了但求共聚……」真係巧浪漫。

今次一聚就係八年,浪子潘照顧埋珍媽媽一家三口一齊住,又曉得高價放售同珍妹購入嘅加州花園物業,平租好姊妹、黎耀祥太太碧堤大屋賺番筆。今次有情有義仲有錢袋,邊個陪住珍妹走到最後,仲唔係「答案可是絕對」?

神劇《大時代》重播熱爆全城、全線演員人氣反彈,撞啱潘源良入行 34年首個作品展下週開鑼,呢期有邊個旺得過詞壇浪子同珍妹呢一對?日頭你有你忙碌,入夜就齊齊返歸相倚相靠。不過住嘅唔係 11年一齊購入的加州花園大屋、同住亦有埋未來外母,並非二人世界。

實用面積 900呎的碧堤半島單位月租市價逾三萬,不過業主係三十年好姊妹 Julia夫婦,珍妹平租入住。

94年黎耀祥拍《俠女遊龍》搭上珍妹助手 Julia,更為 Julia與青梅竹馬元配離婚,珍妹既是二人媒人、亦係 Julia三十年老死。

網上圖片

貴賣平租

三分三合, 07年珍妹翻撻潘源良高調得多,亦都擺明一條心!二人更於 11年合資以 780萬購入加州花園千四呎大屋做愛巢。

四年過去、樓價又升,最近二人以 1250萬放售加州花園,入住深井碧堤半島暫住。碧堤千呎大單位市值月租三萬,據悉,珍妹入住單位竟然屬視帝黎耀祥及太太梁耀蓮(Julia)持有、月租亦都低於市價特別優惠。其實眾所周知 94年黎耀祥拍《俠女遊龍》時同珍妹助手 Julia撻着棄元配, Julia當正珍妹係好姊妹兼媒人。盛傳潘源良有意在作品展當晚向珍妹求婚,今次黎氏夫妻咪當送份大禮俾媒人珍妹囉!

早前本刊問到是否於碧堤三人同住時(囡囡倚榕在加拿大升學),珍妹即大方承認:「嗰個係我阿媽嚟㗎!」再問到二人現時關係時,珍妹亦說:「 OK、 OK!」大方對答加埋甜到漏笑容,應該好事近喎!

同前夫許愿所生的囡囡倚榕今年開始在加拿大升學,現時碧堤單位內剩下珍妹、潘源良和珍妹媽媽。圖片

86年為咗珍妹棄元配,又分又合糾纏廿年後再續前緣,潘源良曾經形容呢一刻同珍妹關係「好屬於我哋!」圖片

幾時同潘源良結婚?

珍妹:唔好整蠱我

離離合合 20年, 07年再續前緣,珍妹同潘源良今次互相扶持愛得高調。《蘋果日報》圖片

珍妹同潘源良結緣於 86年的《戀愛季節》,當年潘源良係導演、珍妹只得 18歲。

上月( 30日)出席活動,被問到潘源良有機在作品展上求婚,珍妹傻笑唔識否認:「我唔知,唔好整蠱我!」《蘋果日報》圖片

詞壇浪子對住珍妹極專一,亦愛屋及烏,平時珍妹北上拍戲登台,就見潘源良獨自一人去買奶粉,應該係畀未來外母享用。

珍妹不在港,潘源良就自己搵節目,行街睇戲又一日!

最強三姊妹

講起上嚟又想喊,方家三姊妹一個跳樓、另外兩個俾人掟落街……好彩做戲啫,戲外三姊妹雖然唔係個個婚姻美滿,不過為咗兒女,個個都係最強媽媽,絕對冇咁易俾人蝦!

方芳吳詠虹獨力湊女

網上圖片

又係 90年同無綫藝人何英偉結婚,難得係丈夫偷食又離婚後,吳詠虹為個女振作,現時係化妝師及化妝品公司培訓主任,轉行最強。

方婷李麗珍感情精彩

《蘋果日報》圖片

入行三十多年,珍妹情路崎嶇、奇情、曲折過小說,最離奇係男友轉完又轉、生女離婚後,再同入行初戀潘源良再續前緣,緣份最強。

方敏楊羚幸福 4口

《蘋果日報》圖片

最幸福就係細妹, 90年結婚生子全面退出,長年有老公縱有仔女錫,所以年近五十都係少女一樣無憂無慮,童顏最強。

鍾意就快D Share啦!