網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年6月10日 星期三

真人發聲 街市多靚嘢 捕獲生果檔公主 大排檔少東 [FACE - 420] MF,



Kayley每朝 7點開檔,夜晚 8點至收工,有網友大讚佢捱得,仲話 Kayley以前個樣仲正添!

真面目

真人發聲 街市多靚嘢 捕獲生果檔公主 大排檔少東

行街市如果剩係買餸買生果你就錯晒!原來街市好多型男索女,頭耷耷掛住望魚望菜你會甩好多嘢!

好似上水石湖墟街市就有人稱「師奶湯怡」嘅榴槤公主,但現場睇

其實似謝安琪多啲喎;而喺北角渣華道街市就有韓 look潮男

太子爺坐陣大排檔,真係唔買都睇吓喇喂!

只得 26歲又靚女, Kayley話好多街坊都問佢點解會賣生果,為咗唔想媽咪咁辛苦冇辦法啦。

讀者提供 Kayley的照片,確有幾分似謝安琪。網上圖片

師奶湯怡:我未結婚㗎!

講起上水石湖墟街市,好多街坊都知道生果檔靚女 Kayley,皆因 Kayley有幾分似湯怡,今年得 26歲又未嫁人,之前仲去過澳洲 working holiday體驗生活。

Kayley同《 FACE》講,佢有專業美容師牌照,做過幾年美容,但因為 2年前媽咪腰骨勞損,惟有捨棄原本收入唔錯嘅美容工作,返生果檔幫手。 Kayley最嬲係大家話佢係師奶版湯怡:「我未結婚㗎!點會係師奶呀?唔做美容我又唔覺得可惜,呢度啲客幾好幾有人情味㗎!錢對我嚟講冇乜所謂,最緊要開心;𠵱家收入夠食,唔會餓死!」

Kayley皮膚又白又滑,原來都同生果有關:「我咩生果都食,每朝飲蘋果汁,兩至 3個啦,但我唔鍾意咬,飲咗先返工,榴槤都好補㗎!我唔食飯都會食個榴槤。」唔怪得人哋叫佢做榴槤公主

睇番 Kayley的舊生活照,雖然戴住黑超,但似乎仲有味道喎!網上圖片

想幫襯兼一睹 Kayley靚樣,要去石湖墟街市喇!

6呎韓風太子:我對 K-Pop冇興趣

北角渣華道街市有個韓風型男阿偉, 32歲身高 5呎 10吋,漂了一頭金白髮,型到爆!阿偉係熟食中心東寶小廚太子爺, 5年前老竇喺同層開咗店小二,阿偉就調過去打點一切,一身潮 look係生招牌。佢話:「其實我對 K-Pop冇興趣,打扮係自己鍾意啫,唔覺靚仔喎!個頭係呢兩年至染。」

有外國食客會專程嚟一睹阿偉風采,但阿偉話唔覺有女仔想追自己,況且已經有個 10歲囝囝,𠵱家只想專心搵錢養家:「我都有同佢去吓旅行,呢排好忙少咗時間陪佢,有時帶佢上嚟玩吓咁」阿偉係廿四孝老竇,大家去食飯唔好諗咁多喇!

32歲 阿偉

阿偉一身韓 look又有啲似混血兒,後頸位更有紋身,但佢表示自己係純正香港仔。

阿偉喺 fb放咗幾張潮 look相,網友忍唔住問使唔使咁型,又讚佢「靚!帥!」。

身為太子爺勁有明星相,連喺大排檔影張相都型過人。網上圖片

好錫囝囝嘅阿偉,一有時間就會陪囝囝去玩。網上圖片

經常有食客要求同阿偉合照,阿偉話已經慣晒。網上圖片

北角渣華道街市的東寶小館是區內出名食肆,原來除咗食仲有靚仔睇㗎!

鍾意就快D Share啦!