掃呢頁CODE去手機

2015年6月24日 星期三

周秀娜前度偷相宣傳健身中心 [FACE - 422] 周秀娜,MF,



全知言

周秀娜前度偷相宣傳健身中心

開得鋪就梗係要賣廣告,好似周秀娜前男友 Avis其實都開咗間健身公司,主要教人做運動,健吓美咁,而佢公司亦喺 Instagram做宣傳。不過咁就出事喇!

全知言見到 Avis間公司 wowfitness在 ig登出嚟嘅瘦身相,竟然同外國另外兩間健身公司嘅相一模一樣!照睇 Avis間公司唔係無客,做咩偷人哋相 po呢? Avis就解釋:「其實我無話係我哋自己嘅客人吖嘛!係嗰個網站嘅相嚟嘅,外國人同我哋係有少少相識嘅,不過唔係合作囉,我哋啲相會 send俾佢,佢啲相又會 send俾我哋,大家互相交換囉。」 Avis全程其實都答到甩晒嘴,而即晚 Avis仲連呢兩張相都剷埋!呢頭話無問題,轉頭又剷相,心虛呀?

Avis竟然喺第二間 fitness中心照 cap原相放上自家 fitness Instagram度,抄都抄得高明啲吖!

全知言問完 Avis來龍去脈之後,佢馬上就 delete晒啲盜版相,又幾快手喎!

鍾意就快D Share啦!