網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年6月11日 星期四

假釋期 汪子琦死跟富婆 Laura 𦧲復合 [壹週刊 - 1318] 汪子琦,M1,



考完耐性,再考佢細心。 Laura行 LV,汪子琦跟貼在後,睇中 LV靚裙及披肩的 Laura二話不說換晒上身,識做的汪子琦拿拿臨埋單。

探熱針

假釋期 汪子琦死跟富婆 Laura 𦧲復合

一三年因為馬賽介入,富婆 Laura與 TB汪子琦七年「夫妻情」決裂;雖然之後同馬賽分開,但舊愛 Laura一直拒絕同汪子琦復合。

求復合年多的汪子琦唯有鬥「耐功」,二人早前同步來港,汪子琦要等要陪要送禮,樣樣做足!

為氹番富婆 Laura,當日中午汪子琦離開入住皇冠酒店,往君悅酒店接 Laura,仲要呆等一粒鐘, Laura先出現。

呆等一粒鐘

前馬賽密友汪子琦,一直向前度 Laura求復合,近期亦多番被發現孖住出席飯局,但二人仍否認復合,關係撲朔迷離。

一三年,汪子琦籌備開拍內地電影《愛在星空下》,更銳意安排當時的「新寵」馬賽做女一,不過電影未開工,二人已玩完,電影開拍計劃一度胎死腹中,直至今年初,汪子琦找來江若琳頂上,本月初,電影殺科後,汪子琦即陪住 Laura來港,二仔底死跟。

到港當日,記者發現汪子琦一個人由銅鑼灣利園商場行返她下榻的酒店,個多小時後,再由司機接載到灣仔君悅酒店。在酒店外等了十五鐘,汪子琦索性落車坐入酒店大堂等,足足呆坐一粒鐘,才等到 Laura落樓。

為求復合,汪子琦等足一粒鐘,依然面不改容,還笑晒迎接對自己抱着觀望態度的 Laura。

兩人上車到金鐘太古廣場血拼,第一站是 Laura至愛品牌 LV,未幾即揀中一條裙和披肩,汪子琦建議 Laura即買即著外,更識做埋單,要𦧲爆 Laura條防線,三萬蚊,抵俾!

之後兩人再行 Gucci及 Dolce&Gabbana,輪到汪子琦揀西裝, Laura幫眼俾意見,兩個未復合但有默契。

拒復合原因

成功氹到 Laura笑晒,汪子琦繼續陪買,轉場到 Dolce& Gabbana再拼過。之後 Laura約了魏駿傑老婆張利華在君悅酒店 high tea,但汪子琦原來冇份,只見她送 Laura返酒店,便被遣退。

汪子琦唯命是從,但 Laura依然落閘有保留,純粹內傷太深。

「現階段我哋係朋友。成班朋友一齊出嚟飯局可以好開心,但單獨相處就會勾起我好多唔開心回憶,所以呢個係我唔可以復合嘅原因。」 Laura說。提起馬賽用回真名司馬賽兒, Laura亦落地有骨。

「件事係破咗我底線,唔係話攞把刀㓤完人,改咗名就當冇傷過人。」

當晚 Laura寧願同雨過天青的魏駿傑夫婦晚飯,都唔同汪子琦撐枱腳。求復合年多的汪,睇嚟要加多幾錢肉緊。

同馬賽決裂後,汪子琦找來江若琳,為她初次執導及投資的電影《愛在星空下》做女一。

早前意大利品牌在內地舉行私人派對,獲邀的 Laura與品牌嘉賓中田英壽影相放上網,即引來汪子琦大呷乾醋。

前年馬賽借結伴歐遊,乘機介入汪子琦同 Laura。之後 Laura踢爆馬賽的手段。

鍾意就快D Share啦!