網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年6月21日 星期日

甄子丹最強爹哋 Love You掛嘴邊 子丹,甄子丹,

甄子丹、汪詩詩與一對仔女穿上「親子皮褸」,有型有款!

甄子丹最強爹哋 Love You掛嘴邊

「宇宙最強」甄子丹功夫了得,名副其實是鐵漢子。已為人父的子丹藉着今日父親節,細說跟父親與子女的三代情。他坦言父親是舊派人,感情不會宣於口,他從小在比較「冷」的環境下成長,直至遇上太太汪詩詩,被她們家人融化,決心要讓子女在愛的懷抱中長大。他說前半生用拳頭看世界,下半生,與愛相伴!

甄子丹於十歲左右隨父母移居美國波士頓,那時候父母都在外工作,加上父親是傳統中國男人,很多說話不會宣之於口,令子丹養成內斂和倔強性格,他說:「嗰陣佢哋要搵食,我一個人適應環境,嗰陣開始反叛,成日頂老竇嘴。(對爸爸做過最後悔係咩事?)依家諗番實在太多,好多冇辦法原諒自己,只係希望我嘅仔女唔會重複犯我嘅過錯。我嗰陣頂老竇嘴,依家我完全明白爸爸個心係幾痛,因為當我見到仔女頂心頂嘴時都會好激氣。」

出埠工作心掛掛

子丹說他的父親不是熱情的人,他跟父母及妹妹也很少坐在一起吃頓飯,直至認識現任太太汪詩詩,徹底改變他對家庭的觀念:「詩詩成個家庭都好warm,同我屋企完全相反,佢哋會將屋企人放喺生活首位,太太係改變咗我,好簡單,我爸爸送我機,一句『走喇bye bye』,佢哋就好似生離死別咁,又攬又喊。我唔想我嘅小朋友好似我前半生咁,喺好cold嘅環境下成長,加上我學功夫,功夫係好強,畀人感覺係鐵人,唔可以輕易show自己嘅感情出嚟!人生去到另一個境界,唔再係以拳頭睇世界,應該用心、用愛去生活!」

文武全才的子丹,與囡囡濟如翩翩起舞。
  • 文武全才的子丹,與囡囡濟如翩翩起舞。
子丹的囝囝濟嘉遺傳了父親的功夫潛能。
  • 子丹的囝囝濟嘉遺傳了父親的功夫潛能。

因為拍戲關係,子丹每年最少有三分一時間不在港,很多時候錯過子女成長的時光,這點令他很內疚:「我記得個女出世,我拍緊戲唔喺身邊,成日心掛掛;又有次個仔困𨋢,老婆即刻打畀我,擔心死我;有時仔女興高采烈同我講幾時有表演,好想我去睇,可惜我過兩日又要飛,見到佢哋好失望,自己都唔開心。好在近幾年電話視像普及,令我盡量可以分享佢哋每個珍貴時刻!」一對子女亦很疼錫子丹,父親節定必送上漂亮畫作,他笑說:「唔止父親節,生日、聖誕,佢哋都會畫畫送畀我,裏面有好多個心,代表佢哋對爸爸嘅愛,我最鍾意收到佢哋嘅畫!」

擁抱錫錫繫感情

子丹現在鐵漢依舊,卻多了一份柔情,他笑言現在「love」不離口:「前半生好少講,依家講少句都唔得,我覺得講I love you係發自內心,你愛呢個人,希望對方開心,所以就講。我啲仔女成日同我講I miss you、I love you,我覺得應該要表達出嚟,除咗講,擁抱同kiss我都會做,就算佢哋唔肯我都要照攬照錫,希望由細建立好close嘅關係!」最後子丹亦趁佳節,祝願天下間所有爸爸父親節快樂!

文:名人組

鍾意就快D Share啦!