全城熱爆的娛樂八封新聞 & 時事趣聞 & 生活 + 趣聞
羅孝勇自隊大 burger，女友就慘慘豬望住佢食，惟有㩒電話扮睇唔到。不過， Sheldon成日都抬頭望住女友，好寃氣。
「巨聲幫」戀事多，前排本刊先踢爆木偶哥林師傑同女友歐陽巧瑩偷偷同居！比起佢哋，後輩羅孝勇（ Sheldon）就豁達得多，大大方方認同 model夏意瑩拍拖，呢日媽咪姐仲見到佢哋喺旺角開餐食漢堡包㖭！
原本兩口子開餐應該係好 sweet，不過漢堡包呢啲高熱量嘅嘢，似乎唔係好啱女朋友仔噃。為咗 keep住身形，夏小姐全程只係望住 Sheldon開餐，自己就叫咗杯凍檸茶，㩒吓電話就算。 Well，媽咪姐就覺得有啲無癮囉！
未食先笑
唔好睇羅孝勇女友包得密密實實，有工作嘅時候，佢條事業線都好偉大㗎！
以前同林欣彤拍拖，成日要避避忌忌。
羅孝勇上年大方認拍拖，仲不時同女友行孖咇㖭， sweet到爆！《蘋果日報》圖片
