掃呢頁CODE去手機

2015年6月12日 星期五

金鐘國教 T-ara做人道理 [忽然1周 - 1037] 金鐘國,T-ara,MW,



咪以為金鐘國淨係做《 RM》,其實佢係唱歌出身, 10年前嘅〈 lovely〉仲 hit爆㗎!

媽咪姐

金鐘國教 T-ara做人道理

能夠喺韓國屹立咁多年,仲咁受歡迎,係有原因㗎!好似入行廿年嘅金鐘國同女團 T-ara嚟香港出席《香港青年音樂節》,佢哋嘅態度真係差十倍。雖然韓國依家有「新沙士」,要注意衞生,但金鐘國落機為俾粉絲望多兩眼,都除咗口罩打招呼。

但 T-ara上機都冇重裝備,到咗唔係疫區嘅香港,反而 5位成員都遮住半個樣。你話佢怕傳染人定係為乜呢?真係好奇怪囉。

到咗開騷,金鐘國着住緊身衫出場,令粉絲 high爆,仲有問有答話自己好健康,因為入境有檢查過,叫大家放心。不過 T-ara就驚有菌,叫人影相唔好行咁埋,又話唔做訪問,不過事後又翻𢱑,咪唔識做囉。睇嚟真係要學下前輩金鐘國,呢啲先叫專業呀!

金鐘國落機冇戴口罩。佢話入境俾人捉咗去檢查,驗過冇事先放佢入境,叫大家放心。

T-ara落機嗰陣,戴住口罩木無表情,𤨒晶(箭嘴)行行下仲拉高口罩,好似好驚有菌囉。

金鐘國喺後台同音樂節籌委會主席詹勝(右)等合照,仲擺晒 pose㖭!

鍾意就快D Share啦!