掃呢頁CODE去手機

2015年7月17日 星期五

獨家照片 入讀德望幼稚園 朱麗倩抱女辦手續 [忽然1周 - 1042] 朱麗倩,MW,



抱女離開

上周五( 10日)影完校服相,向蕙已經好攰扭眼瞓,於是朱麗倩親自抱女兒走。離開時,她與工人不時四處張望,警覺性甚高。司機發現記者,更下車抄低採訪車車牌。

滾熱辣

獨家照片 入讀德望幼稚園 朱麗倩抱女辦手續

星爸星媽個個為仔女入學問題𢱑爆頭,貴為天王的劉華亦不例外,不但帶女兒向蕙( Hanna)到名校面試,為了女兒順利入學,更親身去見校長,用心良苦。偏向傳統學校的劉華,從入選的耀中、創價及德望中,最終選了德望,貪其校風優良。

上周五( 10日),本刊直擊朱麗倩抱着女兒向蕙返德望影學生相,一向低調作風的朱麗倩,不但戴上口罩,以全新保母車送女兒到學校,更刻意在側門出入。

入讀德望的星二代又豈止天王女,今年與向蕙做同學的,還有楊思琦、關伊彤及胡諾言女兒,嚟緊家長會真箇星光熠熠。

五十歲才當上爸爸的劉德華,一向將妻子朱麗倩和女兒向蕙的行蹤保密。妻女入住保安甚嚴的加多利山獨立屋,外出例必有保鑣隨行,保密工夫滴水不漏。可惜百密一疏,近日有網友爆朱麗倩與女兒向蕙在德望幼稚園出現。上周五( 10日),本刊亦直擊朱麗倩十級戒備帶女返學校辦理入學手續。

向蕙扭計

有家長現場拍攝到朱麗倩抱住劉向蕙,等候影學生相,向蕙十分緊張,要媽咪猛𠱁至肯影。

位於牛池灣的德望,創校六十年,設有幼稚園至中學部。幼稚園以廣東話教學,英文課程由外籍老師任教。每年約有二千人爭 90個 K1學位。

劉華早前和麥迪文合作,趕拍西片《長城》。 7月初煞科後,劉華即趕回香港,為女兒打點入學事宜。

我個女點會落選!(設計對白)

側門閃入

當日朱麗倩須於下午 3點半到 4點半帶女兒返校影學生相,不過朱麗倩的白色保母車 4點 20分才出現。保母車一到,現場即有警員上前趕車,朱麗倩則在司機、菲傭掩護下,抱着女兒從學校側門急步走進學校。根據運輸署紀錄,七人車去年尾以 80萬購入,劉華買新車接送女兒當然是為了掩人耳目。

據目擊的媽咪爆料︰「影校服相當日,朱麗倩好遲至到,差唔多係最後一個影學生相。佢戴住口罩,不時周圍望好警惕,加上嗰日家長怕俾學校扣印象分,好少會帶埋菲傭入嚟。我望咗佢哋兩眼,朱麗倩就 sence到,仲𥄫實我,所以我印象好深刻。劉華個女 Hanna好怕醜,成日趴喺媽咪度,初時仲扭計嗌唔影相,後來朱麗倩安撫咗佢一輪至肯乖乖影相。」

逗留廿分鐘後,朱麗倩 4點 40分離去,記者欲上前拍照,司機已醒目怒啤記者,更抄下採訪車車牌,之後開行 turbo撇甩記者。

同楊思琦、胡諾言女做同學

楊思琦女兒楊卓穎,同胡諾言細女胡芷悠,今年一同入讀德望 K 1。換言之,兩人的女兒和劉向蕙即將是同學,難怪楊思琦表現興奮。

劉華親帶女面試

報料人又講:「之前有家長八卦,所有小朋友都係一 group group見老師, First In過咗再 Second In,但因為劉華親自帶女來面試,學校為免引起混亂,就特別安排了當天最後的時間面試,避過人群。而劉華收到入學通知信後,十分識做,親自帶埋囡囡見校長,更在校長室逗留了近廿分鐘至走。」

其實愛女如命的劉華曾表示為了不會錯過乖女的成長階段,前年已經宣布全面暫停巡迴演唱會,花一年時間替孩子物色學校。他曾表示:「我想像一個普通爸爸一樣,為下一代教育操心。」

楊思琦:貪一條龍服務

今個農曆年,楊思琦帶女兒楊卓穎,為本刊拍攝賀年照。當日卓穎十分精靈,毫不怯場,難怪佢面試順利過關。

除了劉華外,還有其他星二代入讀德望來年的 K1。楊思琦三歲大的囡囡 Krystal,也獲德望取錄。楊思琦說:「因為一條龍,有小學及中學可以直升,雖然未必百分百可以升讀,但都有六、七成機會,而且該校校風好,自己好鍾意。」

楊思琦也承認面試甚有難度,她說:「好多小朋友去 interview,囡囡當日嘅表現好主動,真係好好彩。」對於囡囡將會與華仔千金成為同學,思琦笑說:「大家一齊返學都好開心。」

為了迎接囡囡返學,思琦短期內會留港工作:「已經做咗校服,影咗學生相,依家要準備頭飾,因為只可以用黃及綠色,要抽時間去買。嚟緊會留喺香港幫有線拍嘢,所以可以親身接送囡囡返學。」

胡諾言老婆︰唔知天王都考

除了楊思琦外,胡諾言同陳琪的兩個愛女亦成功考入德望。一家在外地旅遊的陳琪,透過電話回應:「大妹(芷苓)就讀 P1(小一),細妹(芷悠)今年會讀 K1(幼稚園)。細妹第一個 round就收咗,好彩」

陳琪話本來有兩間學校都收咗細女,但她意屬德望:「佢哋(德望)鍾意收番姐妹同校,覺得一個家庭嘅整體教育同學校配合都好重要,我都慶幸!唔知天王都考,德望要求好高,剛剛開咗家長會,初時以為可以輕輕鬆鬆讀,但原來喺言行舉止、品德上要求好高!」

胡諾言兩女讀德望

胡諾言與陳琪早前帶大女胡芷苓(右),及細女胡芷悠(左)到新加坡旅行,去環球片場玩足一天。芷苓 9月會讀德望小學一年級,芷悠剛成功入讀德望幼稚園。

現年 3歲的胡芷悠(右),同六歲的家姐胡芷苓一樣跳跳紮。

母女同校

關伊彤是 02年港姐,近日在港視劇《導火新聞線》上位。她的大女 Marina都是今年德望 K1學生,她表示:「自己係德望舊生,對母校有情意結。阿囡好鍾意德望,覺得學校好靚,又鍾意個鴨仔池。」

《導火新聞線》劇照

美女搖籃

德望除了是傳統名校,更加盛產美女。娛圈中有不少靚女,都是德望舊生。

鄭裕玲

楊采妮

朱凱婷

Cheronna@Super Girls

華姐冠軍張曦雯

2013港姐張敬仁

鍾意就快D Share啦!