掃呢頁CODE去手機

2015年7月24日 星期五

女排「男神」虎父無犬女 [忽然1周 - 1043] MW,



早前張曉雅嚟香港出賽,吸引唔少粉絲到場打氣。睇佢隨便擺個甫士,都「秒殺」唔少囡囡啦。

媽咪姐

女排「男神」虎父無犬女

啱啱喺香港打完女排大獎賽嘅中國女排隊員張曉雅,被封為新一代「男神」,雖然佢話唔開心,俾大家搞錯性別。即係咁,身高 188、剪咗一頭 all back嘅佢,「帥氣」長相原來遺傳自張爸爸㗎!

媽咪姐之前睇過「天天向上」節目,張曉雅露兩手琴技,又自爆係浪漫嘅人。佢仲話細個唔係立志做排球員,而係以爸爸做榜樣,想成為「飛行員」。不過佢生得太高喇!俾爸爸話佢塞唔入架機,叫佢死心囉。張曉雅仲公開埋爸爸個樣,嘩!唔只係餅印,直頭以為係同一個人呀!所以人哋話阿女多數似爸爸,真係冇錯㗎。

張曉雅個樣真係似足飛行員老竇,唔怪得咁「靚仔」

睇番 6年前,張曉雅(右)只有 17歲,已經出戰「全國青年女排冠軍賽」。

咪睇張曉雅咁 man,佢都有女性一面,講緊係佢對皮膚嘅保養。之前嚟香港就去咗掃護膚品囉。

點少得「女神」張常寧

女排有「男神」又點少得「女神」!睇吓被評為「天才球員」嘅張常寧,拍埋張曉雅身邊一啲都唔輸蝕。因為佢比起「男神」仲高多 7厘米,有 1米 95,真係好高呀。加上張常寧可愛得嚟又有啲肉地,打沙排嗰陣又夠狠,粉絲唔比「男神」少㗎!

一落場張常寧就變另一個人,為救波瞓身, so sexy!

「男神」張曉雅(後中)同「女神」張常寧(右一)企埋一齊外形都幾襯,搞到班隊友好似電燈膽咁。查實佢哋真係好老友㗎!

張常寧好鍾意喺微博擺自拍,仲好鍾意「嘟嘴」賣萌㖭。

鍾意就快D Share啦!