2015年7月2日 星期四

死追半年 陳法拉前夫睇中處女梁雨恩 [壹週刊 - 1321] 梁雨恩,陳法拉,法拉,M1,



溝女咁有耐性呀!(設計對白)

探熱針

死追半年 陳法拉前夫睇中處女梁雨恩

被老婆陳法拉狠飛後,友人雖然為 Neway大少薛世恒撮合廖碧兒,可惜男方又唔過電。直到今年初,薛世恒在教會遇上同是基督徒的歌手梁雨恩,才決定發功力追,但努力半年,連手仔都未拖過。

29歲的梁雨恩過去以唱福音歌為主,今年再戰流行樂壇。近年開始學彈琴和打鼓的薛世恒,跟她在音樂方面十足合拍。

上週二( 23日),薛世恒和梁雨恩在九龍城樓上食肆撐枱腳,歎足兩粒幾鐘才離去。

當日薛世恒有司機接載,他跟梁雨恩齊齊登上坐駕,送她返回將軍澳香閨。

專注做地產

薛世恒回復單身後,專注做地產生意的他,去年擲過億購入深井青山公路海景大屋,重建做低密度豪宅。專心工作忘記失婚,身邊好友爭住替他做媒,包括黃長興主動安排和廖碧兒飯局,可惜神女有心,薛世恒無 feel;其後在陳敏之婚宴上𥄫中一個姊妹,但對方又嫌大少無情趣,唔吼。

靠人不如靠自己!今年初,薛世恒在教會認識了梁雨恩後,馬上觸電。

「陳敏之、王君馨會帶大少返教會,最初佢係返商人團契,跟住去唔同教會 visit,之後轉咗返葵芳復興會, Cathy(梁雨恩)都係返呢間,成日大班人同牧師食飯,大少對 Cathy有 feel,就去馬追!」知情者說。

上週二( 23日),梁雨恩在新城做訪問後,打的去九龍城會合薛世恒。

近期陳法拉返港傾 job,早前約李亞男、陳爽、宋熙年等飯聚,素顏的她狀態不俗。

去年中秋節,薛世恒(右一)初認識梁雨恩,大家一起食大閘蟹,但至今年初,他才發動追求攻勢。

女方歎慢板

薛世恒(中)同劉志山牧師(右一)相熟,近水樓台,有不少機會親近梁雨恩(圈)。

薛世恒表現積極,但梁雨恩堅持要觀察清楚,先肯行多步。

「 Cathy一向有唔少人追,但佢堅持守聖潔,莫講話婚前性行為,普通拍拖都諗得好清楚。之前有個上市公司董事追到嚟教會, Cathy覺得同佢價值觀唔同,直接就拒絕咗對方。大少都知道唔可以心急,加上 Cathy成日去外國宣教,約十次食飯,可能得兩次肯應承,所以追足半年,都未到手。不過 Cathy都有同朋友講,覺得同大少好多方面都幾夾,但仲需要多啲時間去了解。」知情人說。

上週二(六月二十三日),將出新碟的梁雨恩到新城電台做訪問後,坐的士去九龍城會合早引頸以待的薛世恒到樓上火鍋店烚吓烚吓,烚足兩粒幾鐘。晚上十點幾,二人前後腳落樓,薛世恒送女友返回將軍澳香閨,二人全程冇親密舉動,非常克制。

薛世恒感情有了新方向,前妻陳法拉亦風流快活,已接近長居美國生活的她,閒時上堂進修演技;早前她返港傾 job,雖然仍住在前夫租住的單位,但據悉法拉已搵到新竇搬走,跟薛世恒再無瓜葛。

聖女處女

自稱未拍過拖又話過婚後才有性行為的陳凱琳,終被鄭嘉穎處女開齋拍拖,圈中處女黨痛失一員。

前年薛世恒被陳法拉狠飛,但分開初期,他仍十分照顧她,主動租屋給她住。

近期梁雨恩再度活躍幕前,早前跟拳手曹星如一起出席宣傳活動。

去年黃長興曾做媒拉攏薛世恒(白衣)和廖碧兒認識,可惜男方不過電。

薛世恒曾跟旗下的 Regen傳緋聞,更被拍到孖住去街。

鍾嘉欣

同伍允龍拍拖八年,但鍾嘉欣堅持守貞,是大台處女黨的核心成員。

王君馨

被稱為大台首席處女的王君馨曾經話過:「結婚嗰晚做先係一件 amazing嘅事。」她十七歲開始拍拖,每次都視對方為結婚對象,為守貞更與第二任男友分手。王君馨認為初夜要留俾老公,如果男友愛她,無理由等唔到洞房花燭夜!

岑麗香

同樣因為基督徒身份堅守處女身,與鍾嘉欣、王君馨等姊妹組成「處女組」。

陳嘉寶

去年同半億闊少黃頌祈撻着的陳嘉寶堅稱不會發生婚前性行為,會為信仰保持處女之身。

鍾意就快D Share啦!
Related Posts Plugin for WordPress, Blogger...