網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年7月23日 星期四

少女時代對撼女團 長腿回歸 [壹週刊 - 1324] 少女時代,M1,



少女時代由九變八,仲要有一半已經名花有主,少男幻想破滅,女神形象受威脅。

日韓到會

少女時代對撼女團 長腿回歸

填充題:夏天,為大地帶來__!

今年嘅正確答案係韓國女團!一踏入暑假,幾乎所有一線女團爭相出碟,音樂節目猶如戰場,個個成員都用長腿做武器惡鬥一番!

最矚目梗係一姐少女時代相隔一年半出新歌,以 8人姿態回歸!少女時代上年有 Jessica退隊,超過一半成員公開戀情等等新聞,被指人氣大不如前,加上後起之秀來勢洶洶,佢哋都唔敢輕敵,以泳裝上陣!

望住阿姐身影跑, SISTAR、 Girl's Day、 AOA、 Apink個個毫不吝嗇,絕對係各位宅男嘅福氣!

少女時代 比堅尼上陣

少女時代之前積極轉型,收起性感行型女路線,可惜反應一般,今次新碟不容有失,於是賣大包益 fans——著泳衣!今次新歌《 Party》嘅 MV,遠赴蘇梅島拍攝,配合新歌開 party嘅曲風,梗係去 resort去沙灘歎世界,咁就梗係要著泳衣少女時代 8個女仔清一色以兩件頭泳衣上陣,露出小蠻腰及長腿,充滿夏日氣息,睇到都 feel到佢哋好 hot!

八個成員排排坐,身材一目了然。

點睇都係允兒最靚。

少女時代出名長腿,今次新歌終於肯騷,而且上節目打歌,上綜藝節目,一樣著短褲益 fans!

SISTAR 狂扭 pat pat舞

SISTAR可以稱得上係夏日女王,上年嘅《 Touch my body》播足成個夏天,今年知道競爭大,好醒目地 6月已經出新歌《 Shake It》,比其他女團早半個月,就可以更快入腦! SISTAR最大特色係舞步,今次係賣扭 pat pat舞,一邊唱 shake it,一邊扭 pat pat,下盤功夫真係唔講得笑,不過正正因為容易上手,人人都可以模仿扭埋一份,滲透力超強!

大特寫 pat pat教你點扭,健康同意淫真係一線之差。

去到潮人熱點 Common Ground拍 MV,又吸引 fans去朝聖。

AOA 校園少女風

今年人氣急升得最厲害嘅 AOA,勝在青春年輕,新歌《 Heart Attack》完全係少女甜美路線,以校園做主題,打歌服係校隊運動服、啦啦隊制服,勾起學生回憶,男孩子完全無法抗拒,仲要有女神雪炫在陣,好青春呀!

榮升國民初戀嘅雪炫,喺 MV做埋主角,風頭蓋過其他隊友。

Apink 著男裝

隊隊都推新歌,個個都熱舞配熱褲, Apink就 sell清新!新曲《 Remember》係中快板柔和曲風, Apink唔行性感路線,喺 MV入面無泳裝,反而著長身白恤衫,好似著住男朋友件衫咁,係咪仲有遐想呢?

Girl's Day 露大髀 M字腳

Girl's Day上年推出《 Darling》,行 cute cute少女路線,今年又行番型格性感路線,新歌《 Ring my bell》以強烈節拍嘅曲風搶 fans,最爆係 MV入面佢哋著一套黑白 body suit,大跳 M字腳開合舞,隨時走光,搞到被指太性感,上節目要著番小熱褲!

鍾意就快D Share啦!