2015年7月23日 星期四

轉口味 攬長髮索女 王宗堯慾火街頭 [壹週刊 - 1324] 王宗堯,M1,



王宗堯一身街坊 look,做柴可夫到大坑接素顏長髮新歡。

探熱針

轉口味 攬長髮索女 王宗堯慾火街頭

近廚得食!男神王宗堯愛就手,同過金像獎最佳女配角 DaDa(陳靜)拍拖,又嗒過浸大 E神楊梓瑤,甚至被指和周永恒小三 Ruby(劉伊靜)曾經行得好埋,近日男神身邊女伴已換上一個長腿圈外人。上週日(七月十二日),王宗堯做司機接女友,再會合家人到銅鑼灣開飯。在人多鬧市,男神和長腿女友保持距離,但飯後送對方返回將軍澳村屋時,王宗堯一手將女友攬入懷中肉緊啜爆,飛擒大咬。

做柴可夫

挾住撐「雨傘運動」的光環,今年書展推出新書《我都係香港人》的王宗堯,上週日(十二日)晚揸住部落地個多月、價值五十萬的凌志 NX 300h, T恤短褲踢拖現身大坑,從一幢大廈接了個長髮長腿的女子上車,直駛往銅鑼灣。當日同行還有男神的家人,一行五人兩車,在銅鑼灣鵝頸橋泊低車後,再步行過對面的登龍街開餐;沿途大家有傾有講,女友全程刻意同王宗堯保持距離,但同男神一家,明顯熟絡。

行到去登龍街,王宗堯同女友約了另一對朋友食飯,和屋企人分開搵食。匆匆食了一個鐘,男神自動波離枱找數,臨離開前,女友再查看有沒有遺留東西,表現細心。

「之前阿 Greg(王之洋名)同過圈中啲女仔拍拖,但相比之下,佢話圈外人簡單啲,加上呢個女仔性格好好,又係阿 Greg鍾意嗰類(長髮、有身材),所以識咗無耐佢就發力追。」知情者說。

凌晨返到將軍澳村,四圍無人,王宗堯大街大巷,攬實女友肉緊啜。

王宗堯孖住女友到銅鑼灣食拉麵,同行還有男神的父母及兄弟。

攬住啜爆

食完飯,王宗堯先陪友人到附近攞車,之後再做司機,送女友返回將軍澳村,在咪錶位兜圈搵唔到位,王宗堯將坐駕停埋一邊,再落車從車尾箱捧出一堆窗簾、咕𠱸交到女友手上。

暗黑街頭,又冇人,王宗堯一手將女友攬入懷中,肉緊地啜爆對方好一陣,才依依不捨目送女友離開。

換口味食圈外「素菜」,男神更加得心應手。

同友人晚飯期間,王宗堯不停傾電話,講多過食。

食完晚飯,王宗堯同女友刻意前後腳保持距離。

王宗堯幫女友從車尾箱取出窗簾布、咕𠱸等家居用品。

11年同 DaDa拍《喜愛夜蒲》撻着,但拍拖年多,對方移情闊少分手。

去年底同周永恒小三 Ruby孖咇玩煮飯仔,交情非淺。

上週五王宗堯殺入書展為讀者簽名,連民主黨區議員鄺俊宇都要同男神合照留念。

鍾意就快D Share啦!
Related Posts Plugin for WordPress, Blogger...