網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年7月30日 星期四

比堅尼拗手瓜 [壹週刊 - 1325] M1,



哇,你拗手瓜定拗背脊先!﹙設計對白﹚

爆壹爆

比堅尼拗手瓜

以前每到夏天,都有唔少夜蒲男女搞遊船河,出到海後瘋狂索 K fing頭,無法無天。不過近年差人頻頻打擊呢類迷幻船河,依家已經收斂咗好多。爆哥上星期就參加咗一個喺 facebook上號召嘅船河活動,反而眼睛有另類收穫。

當日大約一百六十人喺西貢碼頭上船,分四艘船一同出發,陣容鼎盛。船一開,各人即時換上性感比堅尼。以為開始嚟料,點知一眾性感少女搞拗手瓜比賽,班靚女為贏比賽又擒高又趴低,完全唔顧儀態。到咗拗手瓜比賽時,其中一名女子三點式上陣,拗到興起時全身發力谷行肌肉,大呼小叫場面搞笑之餘,又夠晒養眼。

搞手同爆哥講,呢類船河活動已搞咗幾年,本來由一班中學及大學同學聚會搞起,點知放上 facebook後愈來愈多人參加,就索性公開,大家一齊玩。搞手仲爆料話,每年嘅船河活動,其實都係年輕人想玩海上派對,好多人諗住識朋友,都成功造就唔少情侶㗎,反而 fing頭船河依家已經少咗好多。

參加船 P男女人數相若,仲有唔少係靚女。

5個女人 5個大籮

早幾日搭東鐵入新界,突然聽到幾把普通話女人聲喺度嘈交。爆哥八卦望吓,原來一名廿幾歲港女,正起勢同一班強國大媽「互片」。原來該女座位旁邊剩番一個空位,兩名疑似強國母女,唔理三七廿一,兩個屁股監硬一齊逼落去,其中一個身形仲好圓潤添,個香港女仔被人逼到唔郁得,即時 O嘴。

港女出聲還擊,話呢個係四人座位,唔可以坐五個人,但兩名強國女一於少理,仲反過來話個女仔冇同情心。講講吓,對面又係五個人逼在四個位嘅強國親友加入圍插,用手指住港女狂鬧。咁樣靠惡打橫來仲得了,終於有其他乘客忍唔住出聲,班強國女先收聲,但最後都唔肯起身,仲死撐一句:「我有很多東西嘛。」

嚇人體液毛巾

瑪麗醫院將衣物交由洗衣場清洗,結果爆出病人感染毛黴菌單嘢,經過專家調查之後,話病毒源頭好大可能係來自洗衣房。單嘢聽落離身,但其實普通人也有機會中招,一班淫業玩家就大爆,社區原來仲有一個病毒溫床,核突兼嘔心!

有人話,呢種病毒分分鐘在舊樓鳳姐之間爆發,有人仲相約爆哥實地去雞蟲性地香檳大廈巡查衞生情況。上到樓,爆哥即見到一個推住手推車嘅男人,將一袋袋物件放喺鳳樓門口,個膠袋上仲有電話添。原來呢堆係嫖客用完嘅毛巾,由洗衣工場逐間鳳樓收集後,再送去洗衣場兜亂大清洗,之後再送返嚟。嘩,一聽就覺得好有問題,各條毛巾一定沾滿各種人嘅體液毛髮,好核突啫。如果消毒唔夠,除咗有毛黴菌外,仲有機會傳染性病添,諗起都得人驚,話時話,如果呢類洗衣工場接埋其他食肆或者酒店生意,咁後果你諗你囉……

門口一袋袋毛巾,都唔知係幾多鳳樓大兜亂。

爆哥乜料

金融界撈家,穿梭黑白政商界,朋友遍布旺角至中環,每星期都八到唔同料,同《壹》仔讀者過吓癮!

鍾意就快D Share啦!