掃呢頁CODE去手機

2015年7月21日 星期二

葉佩雯頸現疑似腫塊 驚魂200日 葉佩雯,



藝人葉佩雯近半年突然發胖,一度傳有喜。昨日她於網上發千字文細說當中苦況,原來受頸部及身形腫脹困擾的她於「驚魂200日」中尋遍中西醫及自然療法,腫脹問題至近期才見好轉。日前她被本報拍得與老公郭偉亮(Eric)及兩隻愛犬到北角撐枱腳,身形仍見微胖的她更特意穿上黑衫長裙遮肥!

被病痛困擾的葉佩雯,偶有出席活動仍面腫腫。

葉佩雯早前與老公郭偉亮外出搵食,手臂仍略見粗壯。

採:音樂組 文:專案組 攝:追蹤組

身形向來瘦削的葉佩雯(Grace)近半年發福不少,體重急增至少10磅,即惹來懷孕之說,她昨日於Instagram發文細說苦況:「從新年起身體開始唔舒服腫脹,直至朋友說你頸部一邊好腫凸了出嚟,當時還以為水腫淋巴塞咗!」對病因毫無頭緒的Grace曾通淋巴、食中藥和自然療法等,但統統唔Work,體重仍不斷上升,她續指:「因我有內分泌失調,可能嚴重了!去全身檢查,說我有抗甲狀腺蛋白抗體,但亦解釋不了我的頸部為何那麼腫,結果跑了看中醫……」後來Grace經朋友介紹看中醫,病情始有好轉:「中醫話我脾胃影響肝臟,肝就影響賀爾蒙,所以要疏肝!)

笑指老公反應冷淡

Grace接受本報電話訪問時指病情由今年初開始,持續至今約七個月,她說:「照過好多次超聲波,去腫瘤科,一定唔係Cancer(癌)喇!只係愈來愈脹,我睇咗無數咁多醫生,終於依家睇個中醫夾到我,就好啲冇咁腫,但都要啲時間。唔係驚肥同瘦,係驚身體出現啲咩問題。我賀爾蒙長期都失調嘅,廿幾歲已經失調,依家叫做退咗一半,繼續努力食中藥,應該會有啲效果!(有冇嚇親Eric?)佢冇嘢喎,哈哈,因為佢都唔係好知我驚,後期我先話佢聽。其實我去照超聲波,一上到腫瘤科嗰層就驚,我話:『應該叫你嚟陪我,但你咁忙,我又冇乜所謂。』佢聽完話:『係呀!』冇乜反應囉!」

被指反應冷淡的Eric則說:「男人唔可以表現到驚嘛,其後都有陪佢睇醫生,佢又會匯報我聽,不過自從睇咗呢個『神醫』之後愈來愈好,個肚冇咁脹又去到廁所,佢都開朗番!」又撐老婆身形冇問題:「其實到依家都唔覺佢肥,但每次佢出去都會畀記者問佢係咪大肚。」

黑裙遮肥抱狗搵食

而日前Grace被本報拍得與Eric拍拖到北角炮台山某食店外撐枱腳,身穿黑衫長裙的Grace難掩略帶浮腫的微胖身形,但腫脹情況未見十分嚴重。待Eric「視察」食店後,她才抱着兩隻小狗落車,齊齊用餐,場面溫馨!對於Grace的病況,其友人杜如風表示不知情,她說:「真係唔知葉佩雯有病!因為忙到不得了,如果佢話依家好轉個心都安樂啲,我要打畀佢慰問吓,希望佢早日康復。」

被病痛困擾的葉佩雯,偶有出席活動仍面腫腫。

葉佩雯早前與老公郭偉亮外出搵食,手臂仍略見粗壯。

鍾意就快D Share啦!