掃呢頁CODE去手機

2015年7月1日 星期三

未熄火 交惡 24年 萬梓良嫌監製奀推 TVB劇 [FACE - 423] 萬梓良,TVB,MF,



57歲萬梓良近年有高血壓同糖尿病,身形亦發福不少,好難日夜顛倒拍劇。《蘋果日報》圖片

真面目

未熄火 交惡 24年 萬梓良嫌監製奀推 TVB劇

《他來自江湖》晚晚熱播,觀眾除咗恨睇星爺當年有幾搞笑外,當然仲有萬梓良同吳孟達等老戲骨鬥好戲

大台青黃不接,自家製作幾乎冇套掂,現時黃金檔兩線劇都要靠外援。新一代谷極唔起,惟有積極搵舊人回巢。據知戲劇製作總監曾勵珍愛將, 11年才晉升為監製的方駿釗,曾主動邀請萬梓良返大台拍劇做主角,更為他度身訂造劇本,點知離巢多年的萬子嫌對方未夠班一口拒絕,講明要珍姐出馬先請得佢郁!

當年穿血衣抗議一幕咁經典,萬子同大台交惡廿多年,要回巢?搵個話得事嘅人傾先得

現年 57歲的萬梓良, 83年開始在大台拍劇,一直順風順水,不過 91年,萬子身穿血衣在電視城抗議,大數公司唔俾足夠廠期佢拍《大家族》,同當時得令的高層曾勵珍反目, 95年拍完《萬里長情》後,即離巢北上搵人仔,絕跡大台 20年。

血衣遊行

91年萬梓良不滿大台高層俾唔夠廠期拍《大家族》,激到着住血衣喺電視城讀《正氣歌》,型!《蘋果日報》圖片

《他來自江湖》中,「天哥」萬梓良戲份唔少得過「何鑫淼」周星馳㗎!

要珍姐親自邀請

北上搵到食,加上在內地經營服裝生意, 02年娶了武漢空姐郭明黎兼有兒子萬大千的萬子,甚少回港,只間中拍電影或舞台劇。

大台新監製方駿釗去年主動聯絡萬子,希望佢接拍新劇《收規華》(前名《逆戰塘西》,更講明男一非佢莫屬,可惜仍遭萬子一口拒絕!「呢位新監製一直好想同萬子合作,亦任佢決定其他角色搵咩人,點知萬子嫌佢唔夠江湖地位,話一定要珍姐打畀佢親自邀請先考慮!」知情人士說。

萬子推劇後,《收規華》由張繼聰(右)執二攤頂上。網上圖片

方駿釗近年深得曾勵珍重用。網上圖片

張繼聰補位

方駿釗係珍姐新寵,更係戚其義愛徒, 11年才晉升為監製,近年監製過《幸福摩天輪》,亦編導過《九五至尊》、《陀槍師姐》及《溏心風暴》等。今次為萬子度身訂造劇本失敗,最後決定由張繼聰頂上拍住楊怡,但劇本則要大幅度修改。

一度傳出生意失敗要破產,其實萬子在內地搵到食,年年有內地劇拍;服裝生意雖然冇以前六十幾間分店咁風光,但現時仍然有 3間繼續運作,更加唔係傳聞所講欠落一身債要復出填數。既然拍劇只係為興趣,梗係唔使俾面大台,賺人仔好過

萬子近年專注拍大陸劇,亦有與鍾景輝合作做舞台劇。網上圖片

《蘋果日報》圖片

02年娶武漢空姐郭明黎,同年兒子萬大千出世。《蘋果日報》圖片

江湖中人撈乜?

89年的《他來自江湖》算係大台劇中其中一套經典,劇中星爺飾演的何鑫淼非常搶鏡,不過其他角色都唔弱!究竟呢班江湖中人𠵱家有乜搞呢?

阿玉 仍然活躍

55歲毛舜筠在《他來自江湖》中唔夠星爺好笑,但自從拍完《他》劇後,毛毛開始轉型做丑角,深受歡迎,今時今日賀歲片仍然 keep住搞笑!

甩頭芝 轉做公關

飾演蝦碌甩頭芝的 49歲梅小惠, 04年拍完《皆大歡喜》後開始淡出幕前,發展公關事業,現時為一個眼鏡品牌擔任顧問。感情方面,自 98年與曾偉權分手後再冇拍拖。

明師奶 閉關休養

飾演萬梓良母親「明師奶」的李香琴,已達 83歲高齡,有傳琴姐患上腦退化,又在家中多次跌倒令行動不便,需長期在家靜養。

何英彪 北上勁賺

要養三頭家的 63歲吳孟達,去年捱到患上急性心臟衰竭,要停工治療,幸好現時已康復 7成。達哥拍內地劇一集收 20萬,好搵過大台多多聲!

鍾意就快D Share啦!