掃呢頁CODE去手機

2015年7月8日 星期三

有新歡 離婚 3年 樂基兒釣渣甸山金龜 [FACE - 424] 樂基兒,基兒,MF,



樂基兒上週六( 4日)與金融才俊 Brian現身中環 ifc,齊齊沿扶手電梯落到地面,期間有傾有講甚為投契,你睇 Gaile笑得幾甜!

真面目

有新歡 離婚 3年 樂基兒釣渣甸山金龜

樂基兒自跟黎明離婚後,好快就填補到感情空隙,結識了新西蘭籍男友 Denim並於峇里同居,可惜上年又分手,樂基兒宣布返香港重新工作,回港後基兒當然不愁寂寞,最近同年約 40歲,同樣鍾意滑水的金融才俊 Brian(劉愉樺)過從甚密, Brian家住渣甸山豪宅, Gaile咁快又釣到筍盤的確厲害!

34歲樂基兒( Gaile)今年初重新以香港作為基地,密密接 job冇停手,當大家以為佢用工作治情傷嘅時候,其實 Gaile已有新目標。上週六( 4日)她與年約 40歲運動型男子一齊步出中環 ifc,二人一身運動裝似是一齊做完運動, Gaile更坐上對方的 VOLVO房車一齊離開。

2人一身便服看似剛做完運動, Brian同 Gaile一樣鍾意運動同滑水,的確好夾!

據知新男友是富二代,住在渣甸山嘉雲臺約 2千呎單位。《蘋果日報》圖片

2人停車期間仍不斷傾偈,待停車場人員將車駛離停車場,樂基兒即登上 Brian駕駛的 Volvo房車雙雙離開。

啱晒嘴型

據知呢位運動型男叫劉愉樺( Brian),在金融界頗有頭有面,前年同朋友成立了進陞投資控股公司成為董事,辦公室設於銅鑼灣新時代中心,現以月租約 6萬租住渣甸山嘉雲臺 2千呎單位。除了身家厚, Brian同樂基兒更一樣熱愛滑水,又喜歡運動和旅遊,絕對啱嘴形。

樂基兒同黎明 08年結婚,婚姻只維持咗 4年,有傳分咗黎明一半身家嘅 Gaile,曾經同新西蘭籍男友 Denim在峇里同居, Denim從事地產行業,可以話係峇里筍盤,可惜有傳 Gaile嫌男友太悶,決定分手並離開傷心地,回港發展不久,估唔到咁快又釣到筍盤。不過 Gaile就否認拍緊拖:「我哋識咗好耐,但唔想講人哋私事;我𠵱家冇男朋友,下次有一定會同大家講。」咁等你好消息囉!

基兒回應

樂基兒從峇里返港後圓潤了不少,她表示會一邊接 job一邊減肥。《蘋果日報》圖片

Gaile回港後密密接 job,但咁快就釣到金龜,唔知又會唔會突然停工呢?

黎明返大陸

黎明近年多在內地拍戲,最近夥拍范冰冰主演的《王朝的女人。楊貴妃》即將在內地上映。

復出夜蒲

Gaile喜愛夜蒲,跟黎明離婚後便恢復夜蒲生活,前年曾被影到同男友人到中環 after party,玩到凌晨 1點由男友人駕車送返屋企。

Gaile喜歡滑水,上一段峇里情緣男主角是滑水高手,新歡 Brian同樣鍾意滑水,睇嚟想追 Gaile最好識滑水至得。《蘋果日報》圖片

離婚各自精彩

黎明與樂基兒婚姻只維持了 4年,婚後 2人各自尋覓新戀情。《蘋果日報》圖片

黎明同樂基兒 12年 10月離婚後,二人分別傳過新戀情,不過都係冇下文。

戀新西蘭男友

網上圖片

樂基兒跟黎明自從 12年離婚後,雙方感情可以話各自各精彩, Gaile搭上新西蘭籍男友 Denim, Denim在峇里從事地產行業;上年分手 Gaile回港,又火速戀上金融才俊 Brian,不愁寂寞。

嗒 23歲女模

《蘋果日報》圖片

至於黎明,離婚後感情低調,直至上年 2月被踢爆戀上 23歲模特兒,女方更被黎明安排入住保安嚴密的西九龍豪宅天璽,絕少外出拍拖,只會在私人會所或出海遊船河,避免女友曝光。

鍾意就快D Share啦!