掃呢頁CODE去手機

2015年7月25日 星期六

馬賽輕晒3吋事業線 咩Job都要接 馬賽,



馬賽改咗名做司馬賽兒好似都係無咁親切,自從佢介入大陸TB製片人汪子琦同女富商Laura嘅感情之後,連串醜聞搞到佢被大台急凍。依家偶爾先出席吓啲商演場合。

今日(7月25日)馬賽、何傲兒同林敏驄去到動漫節為「PS Plus Girl選舉」擔任評判,仲喺觀察期嘅馬賽穿著低胸紅裙,輕晒3吋事業線,佢笑指自己係健康性感;不過同場嘅參賽者各出奇謀,又一字馬、又大晒導彈胸,馬賽好似輸蝕咗啲喎。

馬賽指今日會性感打扮都係尊重場合,自己都有啲唔慣。空有事業線嘅佢開心表示,公司幫佢接到今次工作機會,酬勞都係由公司安排;自己只係希望多啲工作機會,無論拍劇、唱歌、出活動都無問題。

目前佢「降呢」做娛樂新聞台主持,工作量大減嘅佢喺工餘時報讀浸會大學進修電影課程。另外,得閒又開始寫散文同劇本,佢表示唔係以轉型為目標,只係希望充實自己;加上同大台仲未約滿,目前希望做好手頭上嘅工作。
鍾意就快D Share啦!