台灣E奶女神「雞排妹」鄭家純，喺今年書展推出性感寫真，佢今日（7月14日）就喺西九龍中心出席寫真見面會；雞排妹以低胸連身裙現身，大晒4吋事業線，引來現場近百龍友閃光燈亂閃！
活動期間，雞排妹向台上印有其泳裝照嘅大型易拉架印上唇印，之後就落台簽名攤位簽書，唔少fans就排隊向雞排妹索合照。講到呢本寫真嘅預期，雞排妹話台灣嘅預購已經喺24小時內突破一千本，仲登上網上書店第一名添！
至於喺書展會點樣出招谷寫真，雞排妹就話到時嘅衣著、會同喺寫真裡面嘅差唔多，嘩！咁咪好性感？怕唔怕遇到鹹豬手呀？雞排妹就話唔會，因為現場有咁多傳媒在場，相信冇人敢「郁手」嘅。
