全城熱爆的娛樂八封新聞 & 時事趣聞 & 生活 + 趣聞
李龍基都幾有修養，費事講電話嘈到屋企人，行出門口先講。
啱啱播完《武則天》，令唔少人留意多咗唐代歷史。講起唐代皇帝，媽咪姐最熟一定係唐玄宗李隆基，事關會諗起唱歌嗰個李龍基囉！
日前媽咪姐喺荃灣就撞到李龍基同阿仔、新抱，仲有孫女一齊食 lunch，佢仲同孫女玩得好開心㖭！唔好睇 64歲嘅李龍基做人爺爺兼一頭白髮，其實佢都好潮。同孫女玩之餘，又拎住部 iPhone喪㩒喪打機。睇佢㩒電話嘅速度，唔輸俾啲後生㗎，呢啲咪叫老而彌堅囉！
64歲嘅李龍基依家成頭白髮，原來一早做咗爺爺。只係佢收得啲孫好埋，睇佢呢日同個孫女玩得幾開心！
新科技都難唔到李龍基，用 iPhone用得幾咁熟手。
