網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年7月12日 星期日

老公悶爆喊唔出 葉翠翠婚後生B遲啲先 翠翠,葉翠翠,





其他影片:>>






今年2月中宣布結婚,等咗差唔多半年,葉翠翠終於喺今日出嫁喇!老公周曉東大33歲嘅佢幾年,可能始終係圈外人,對住鏡頭寧捨怕醜,錫吓嘴仔都成個人硬晒軚。

不過原來唔止對住鏡頭,周生今日接新娘時都好「死板」。翠翠透露,老公冇乜感動位俾到佢,例如要讀「愛的宣言」,但周生就選擇以彈結他代替,彈結他都好浪漫嘅,老公亦好努力去練,但就偏偏臨場失準,彈到「嚦嚦咔咔」,搞到翠翠咩感動都冇晒!

之後去到讀誓詞,雙方約好要認真背好佢,但周生再次有甩漏,又讀到口窒窒咁,搞到翠翠好無奈,不過見佢神情輕鬆,夫妻間互相包容呢回事,喺翠翠身上就見得到!另外,提到婚後會唔會生小朋友,翠翠就話雙方都想要二人空間,所以婚後唔會生……住!

最後,今晚會喺四季酒店設宴款待親朋戚友嘅翠翠,透露會擺32圍,而且仲會請陳凱琳(Grace)、劉珮玥(Moon)同歐陽巧瑩等大台好友到場,佢仲話有請蔡思貝,但對方就有事無法出席。
鍾意就快D Share啦!