掃呢頁CODE去手機

2015年7月12日 星期日

秋官女詠恩 被指姣媾人夫外籍上司 秋官,詠恩,鄭少秋,



鄭少秋後生有唔少風流往事,佢嘅女都有遺傳。欣宜情史豐富,而由官晶華所生嘅24歲大女鄭詠恩,身邊啲異性多如過江之鯽。上年帶一個英籍男友Josh見家長;之後火速約會富三代林孝信,可惜通通無下文。近日有傳媒影到,詠恩同一名澳洲籍已婚嘅中年男上司私交甚篤,2人成日一齊食Lunch,上周三(7月8日)共膳期間有人更大放生電。

詠恩喺英國讀完大學後回流返港,現任職採購經理。上周三下午,詠恩一身黑色工作套裝去中環置地廣場Food Court先搵位坐低,等候男上司出現。商場冷氣咁大,詠恩照樣解開心口鈕扣,露出隱約事業線。15分鐘後,身穿白恤衫同黑西褲嘅男上司埋嚟坐對面,男上司一面鬍鬚,頭頂依稀見到圓禿,加上發福凸腩,不過都無阻鬼妹仔性格嘅詠恩採取主動。

原本男上司一心掛住食飯,但係詠恩不斷撩對方講嘢,加上不時表現媚態,一度望實對方兼嘟嘴放電,令男上司都傾到開懷大笑。食咗半個鐘,離開時2人突然零交流,男上司生怕撞見同事而係咁四圍望;詠恩就玩足全程電話。
鍾意就快D Share啦!