即將為人父嘅周杰倫收三千萬人仔做《中國好聲音》第四季導師，為收徒弟出晒口術呀！
周杰倫除咗處男下海做導師之外，佢仲變身周大導，拍攝節目嘅宣傳片，拍得都似模似樣架！不過第一次擔任導師嘅佢就有啲緊張啦，試錄嘅時候唔多出聲。不過之後習慣咗個模式，到正式錄製時候，周董就開始識得講笑搞氣氛。
不過呢個都唔係佢隊中十二個名額，最早爆滿嘅原因。能夠成功吸引學員爭相加入，最主要係周董事先張揚，會為隊中成員預留席位，參演籌備中嘅音樂劇及安排對方接受百老匯式嘅唱、跳、演專業培訓。周董出晒口術，一條龍服務，大家仲唔爭住入咩！
