「是非妹」李佳芯入股髮型屋，秘撈搵多份，茶水睇數一腳踢。至於份無綫正職，因為得唔到余詠珊祝福，條路就比較難行
呢日趁鋪頭未有客，李佳芯就可以坐定定，叫同事幫佢染髮攤抖下。其實自12年由有線電視轉投無綫，李佳芯星運都平平。據知情人士透露，有啲人以為佢係有線舊人，係余詠珊愛將，其實佢乜都係靠自己。
初頭李佳芯都係喺J2做下飲食節目主持。直至去年在節目《學是學非》因為活潑表現，而得網民歡心，有機會調去拍劇。舊年喺《名門暗戰》做小三，一度被高登仔讚佢夠索，最近亦有份參演拍攝《潮流教主》。無人幫，就唯有自己一步一步慢慢嚟喇！
