「動漫節」進行得如火如荼，今日講到林芊妤（Coffee）、魯芬同喬寶寶就一齊以《龍珠》角色造型現身動漫節，其中化身低胸悟空嘅Coffee，即場露兩手，擘一字馬型爆落地，點知褲襠即刻「撕」一聲爆呔，仲露出紅底，鬼咁香艷，事後佢話：「我有打底，一字馬臨時先要知道做，我做嗰時都感覺到，係我做之前唔記得拉高條褲。」
至於以「粉紅粉紅趣緻的臉」出場、扮演魔人布歐嘅魯芬，以及搽到黑麻麻、扮波波先生嘅喬寶寶都分別用咗幾粒鐘化妝，其中魯芬話：「好開心每年我都有唔同形象，唔經唔覺已經做咗5年，每年都有唔同造型，每年都好期待出年可以有乜嘢造型，我未扮過猩猩，大笨象，或者可以扮花木蘭個肥婆，因為把聲我做過配音。」有人讚魯芬布歐造型搶鏡，佢話：「冇諗，我行埋邊個度都搶，巴渣霸道，我肥咪遮住啲位囉！」
至於喬寶寶就話：「屋企人今朝有睇過，我阿媽見到嚇親，老人家唔知乜嘢叫cosplay。」由於造型難得一見，喬寶寶諗過唔落妝搭地鐵返屋企，佢話：「真係諗過咁返屋企，可能去搭港鐵，大家知係動漫節，港鐵好多人扮鬼扮馬，之前我都扮過阿凡達。」
| (攝影:陳慧安) |  Coffee cosplay冇魯芬BB同喬寶寶咁Pro，嚟一招烏身搶鏡。 |  |
 |  一齊烏 |  |
 錫錫魯芬BB |  再嚟一字馬! |  「撕」一聲.... |
 爆咗呔兼露紅底底..... |
|
鍾意就快D Share啦！
|
|
|
