買完一個又一個，陳茵媺買名牌袋買得鬼咁風騷，各位女士，唔好「葡萄」住……
自從2013年嫁咗俾陳豪，之後幫陳家開枝散葉，兩年抱兩，老公錫到佢燶，豪嫂要乜有乜，鍾意買手袋嘅佢，更加換袋多過食飯。
以為好著數？人哋就話想要一對仔女湊成「好」，陳豪有兩個仔點知都仲想追個女。佢日前出席新劇《鬼同你OT》活動，被問到節食減肥係咪想生多個，佢就話肥同瘦都想追個女，不過始終兩個仔仲細，要花心機時間去湊，同埋都想等豪嫂休息一段時間先。
嘩！講到出口話想要再生喇，睇嚟豪嫂都係嗱嗱聲買多幾個心頭好，唔係之後操身大細就好難行街架喇！
