掃呢頁CODE去手機

2015年7月26日 星期日

爆六合彩主持禁忌 周嘉莉:唔好影三點式寫真相 六合彩,周嘉莉,



【今晚7400萬!】爆六合彩主持禁忌 周嘉莉:唔好影三點式寫真相

2015-07-26 11:00:00



(攝影:林德雄)

今晚六合彩頭獎獎金高達7400萬,相信吸引唔少市民投注。其實六合彩係香港小市民嘅發達夢,過去10年(至14年6月30日)六合彩總投注額,就高達687億6300萬,足夠買66億7600萬個漢堡飽,由此可見香港人對六合彩係幾咁瘋狂。不過,隨着馬會今個月尾同亞視約滿後唔再續約,亞視今個月30號播完第88期六合彩攪珠後就會完成歷史任務,由下月1號起由無綫J2台接棒播出,觀眾過去14年喺亞視睇攪珠嘅習慣亦將會改變。

嚟緊亞視冇得再做六合彩,威仔、潔儀姐姐佢哋都話好唔捨得,袁潔儀姐姐話:「我好重感情,有啲嘢離開總會唔捨得。」不過蔡國威就樂觀面對:「唔捨得一定有,但以後星期二、四、六我唔駛hold個期,多番私人時間,都開心㗎,可能第時有機會再做呢。」其實做主持都有禁忌,戚黛黛話唔可以將頭髮染到五顏六色,周嘉莉就話:「盡量避免唔好影三點式寫真相。」

講番主持,眾所周知夏春秋係第一代六合彩攪珠主持,任期長達17年,同主持咗10年嘅蔡國威分別被封「六合彩之父」同「六合彩之子」。亞視喺1976年至今先後播咗35年六合彩,就連已故馬評家董驃叔叔,原來都曾經幫夏春秋做過兩次替工主持六合彩架!至於無綫方面,就喺1997年7月至2001年6月播六合彩播咗4年,楊婉儀重係無綫第一位主持,而之後韓毓霞、劉綽琪等人做過固定主持之外,就連修哥胡楓、汪明荃同陳百祥都試過主持攪珠㗎!



(資料圖片)



夏春秋係第一代六合彩攪珠主持,任期長達17年。(資料圖片)



楊婉儀重係無綫第一位主持。(資料圖片)



(資料圖片)

鍾意就快D Share啦!