拍完《以和為貴》之後，徐子珊一部劇都未接過，《壹》仔經常見佢一支公去行街，非常得閒。今次子珊嘅目的地係數碼港，去超市揀日用品。子珊乜都買之外，仲好快發現《壹》仔，笑住望鏡頭。
掃完貨，子珊臨上車都仲同《壹》仔講兩句，見佢無厘精神，以為佢唔舒服，點知佢馬上解釋：「夜晚睇書睇夜咗。（睇咩書？）珠寶設計。（會自己開公司？）唔係，唔係，係幫朋友。」
唔係咪劇本而係研究珠寶設計，《壹》仔單刀直入問子珊，係咪覺得大台唔穩陣？子珊即刻好大反應：「唔係，唔係，唔係，當然唔關事」又係嘅，雖然冇工開又遇著花旦小生逃亡潮，但未決定去留之前，都係小心啲講嘢，方丈份人……大家心照！
