掃呢頁CODE去手機

2015年7月12日 星期日

徐若瑄臥床多月要人幫換尿:令我失去自信 徐若瑄,



Vivian臥病在床多月,好似好開心咁,原來內心有咁多掙扎。

next 1/1 pre

打針打到瘀晒!

next 1/1 pre

懷孕接近7個月嘅女神徐若瑄(Vivian),年屆40嘅佢乃屬高齡產婦,再加上佢嘅子宮比較虛弱造成「子宮閉鎖不全」,雖然早前Vivian已經接受手術,但仍需臥床休養。而向來個性樂觀嘅佢,仲周不時喺facebook分享日常趣事,不過今日凌晨,Vivian上載咗一張因為打針而導致皮膚瘀傷嘅相,同時亦寫下懷孕以來經歷過嘅心酸。佢表示孕婦係特別冇安全感,而臥床嘅情況更令其擔憂不已:「努力每撐過一天,都讓我繼續祈求明天會過關,沒有一天敢忘記吃藥、打針、倒頭栽、練習呼吸、飲食控制、開心和笑臉迎人、做令腳不會萎縮的運動⋯等。」

而個性好強嘅Vivian亦透露,日日瞓喺床上要依賴其他人去幫佢沖涼換尿,令佢冇晒信心,甚至討厭自己:「事實是好動勤勞愛照顧別人的我,躺在這沒有能力照顧人還得依賴別人換尿擦澡,偶爾會令我失去自信。骨子的倔強令我總是硬撐著希望一如往常的陽光,但偶爾那隱藏的脆弱&不安會現形⋯我非常討厭這樣的自己!!」

最後,Vivian寄語所以身心情緖不安同唔舒服嘅過程,都會隨着時間嘅流逝而有消失嘅一日。網友睇完Vivian嘅真情剖白後,都立即留言為佢打氣,希望媽咪Vivian同囝囝小V寶可以健健康康!加油!仲有三個月BB就出世架喇!

鍾意就快D Share啦!