網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年7月22日 星期三

錢最親 美心妹妹寫真出事  Celine媽 02年破產推女搵錢 [FACE - 426] Celine,楊鎧凝,美心妹妹,MF,



美心妹妹 Celine寫真在韓國拍攝,媽媽全程跟實,但 Celine媽表示沒有參與揀相過程,信唔信好呢?《童萌時光》圖片

真面目

錢最親 美心妹妹寫真出事  Celine媽 02年破產推女搵錢

6歲美心妹妹楊鎧凝( Celine)寫真事件愈鬧愈大,因為涉嫌有不雅照片令寫真集要下架,攝影師 Ronald要向警方助查, Celine媽亦徵詢緊律師意見擬控告出版社。

本刊發現, Celine媽原來喺 02年曾經申請破產,現租住何文田一單位,自從女兒走紅後密密替 Celine接 job搵錢,一年接近 50個工作,女兒一邊返小學一邊吸金,其實美心妹妹都幾辛苦。

日前 Celine媽為女兒寫真集事件發聲明,聲稱沒有收取出版社一分一毫,據她身邊人透露, Celine媽並冇講大話,呢本寫真集連分帳都冇,純粹為女兒留倩影,以及為日後接更多工作鋪路。

《蘋果日報》圖片

Celine媽名叫李珈珈,資料顯示曾於 02年申請破產,當時 Celine仲未出世。

谷做童星一姐

本刊發現, Celine媽李珈珈喺 02年曾申請破產, 08年誕下 Celine,多年來都係捱得一餐得一餐; 13年 Celine憑美心蘿蔔糕廣告走紅, Celine媽便把握機會催谷女兒做童星界一姐兼狂接 job搵錢。

Celine因樣子可愛又動作多多,廣告商都好樂意搵佢,美心妹妹由平面至電視廣告、甚至微電影、劇集《愛我請留言》、商場宣傳,連 fb廣告等大小通殺,一年廣告多達 50多個,勁過好多一線藝員,難怪外間指 Celine媽當女兒係搖錢樹。

但據曾跟 Celine合作過嘅公關公司向本刊爆料,指 Celine吸金能力其實不太勁,就算喺童星界屬明星級都唔會收得貴,該公關說:「一般小朋友做商場 job係 5小時 800蚊,美心妹妹只係收多 1、 2百,有時我哋送番啲禮品多謝佢,佢仲唔要添!雖然佢係叫個女搵錢,但我哋唔覺得太過份啫!」另有接洽過 Celine拍廣告的中間人亦表示:「 Celine自己好 enjoy、好有表演慾,佢媽咪都唔使點指揮佢嘅, Celine一入鏡就自動波識擺姿勢。但佢收幾錢就唔方便講,咁佢好禮貌,我哋又好樂意多啲搵佢啫。」對於 Celine媽曾經破產才谷個女做童星搵錢,中間人覺得驚訝:「係咩?佢當係幫個女儲學費啩!」本刊致電 Celine媽了解,可惜截稿前未有回覆。

美心妹妹一年接 job多達 50個,今個月除了出寫真,又同鍾嘉欣一齊出席迪士尼活動。

外間指 Celine爸爸楊偉傑任職日本公司,查實喺內地做電子生意。

美心妹妹前年拍美心蘿蔔糕廣告而大紅,喺鏡頭面前一啲都唔怕醜。電視畫面

現租住何文田窩打老道山一單位,但 Celine升小學被分派九龍塘基華小學。

攝影師:對唔住

Celine寫真集於 7月 14日被發現有露底照,兩日後負責拍攝的攝影師 Ronald接受訪問,指思想變態嘅人見到棵樹都會諗衰嘢,其後因寫真集接到 131宗投訴,警方秀茂坪警區刑事調查隊第七隊接手調查, Ronald深夜發道歉聲明,同時向美心妹妹父母道歉,並決定將寫真下架。

本刊週一( 20日)致電 Ronald,他表示:「對唔住!暫時一概唔回應。」

《童萌時光》圖片

人媽唐寧:希望快啲平息!

黃翠如(網上圖片)

最初在 fb留言:「用成人的眼光放在童真的小孩身上,令人嘔心。是相片拍出色情,還是人心污染得甚麼也看出色情?」留言被網友猛烈批評,最終刪除留言,改寫為:「只希望,成人的對話,不要走進她的耳朶中。」

唐寧

有一仔一女嘅唐寧:「每個媽媽都應該將保護子女擺第一位,放相上網會緊張過自己嗰啲,會睇得好清楚先。希望呢件事快啲平息」

羅霖

今年同樣出寫真嘅羅霖認為小孩應受保護:「我同佢個層面都唔同, Celine咁可愛,希望佢睇唔到話佢嘅言論」

童年現在一般可愛

得意可愛嘅童星又點會得美心妹妹一個吖!而且個個都好 cute好萌,最重要係搵到錢囉!

電視畫面

萬寧妹妹

•萬寧妹妹王允祈 10年喺廣告講咗句:「我有少少鍾意咗佢!」而爆紅,仲憑呢個廣告攞咗 3個廣告獎項。

《蘋果日報》圖片

鄭耀軒

•乳名「耀 B」, 3歲已參演電視劇《你們我們他們》,之後演過十多齣劇集,在《載得有情人》中飾演黎耀祥囝囝祁望大受歡迎,兩年內拍攝 40多個廣告。

網上圖片

亞歷山大

•台法混血兒,樣子精靈拍過好多廣告,但遭高登網民發起舉報其專頁行動,不滿其母以亞歷山大為搖錢樹,其母對此表示:「沒想過會發生這樣的事情,真的很讓人傷心!」

鍾意就快D Share啦!