掃呢頁CODE去手機

2015年7月17日 星期五

木村拓哉 chok爆台灣 [忽然1周 - 1042] 木村拓哉,木村,MW,



木村一身打扮看似隨意,實則經過精選配搭,全身行頭威到冇朋友。

出外埠

木村拓哉 chok爆台灣

出道 28年嘅木村拓哉,日前第一次訪台,造成哄動係必然嘅事。佢此行係接福山雅治棒,為台灣觀光局拍攝宣傳短片。上星期六晚( 11號),當木村出閘時,本來面無表情,但一出到機場睇到咁多傳媒同 fans接機,即時變臉笑番晒,仲豎起 V字手勢扮親民。不過,好快又迫到黑面

好,唔睇樣,仲可以睇衫,有心水清網友將木村全身行頭大解剖,「左手 ROLEX DAYTONA 50周年紀念錶、右手 Goro's手鏈、腳踩今年 PRADA潮鞋,不愧日本天王。」但亦有唔熟性網友話佢雖然戴住「高帽」加增高鞋墊也只得 172cm,「木村拓哉委實太矮了。」唉,人無十全十美,男神一樣有「遺憾」﹗

木村連等行李嘅姿勢都 chok過人,但旁邊兩個細路女似乎不識天王真面目。

木村於周一( 13日)早上即開工,但保安嚴密,周圍更以黑布圍住,認真神秘。

即變面

木村一路笑住一邊揮手, nice到呢,當出到機場門口,話都冇咁快即時變臉,燦爛笑容 keep唔夠 5分鐘。

鍾意就快D Share啦!