掃呢頁CODE去手機

2015年7月17日 星期五

獨家內幕 朱慧敏拒為 Eddie生仔 吵大鑊爆終極分手 [忽然1周 - 1042] Eddie,朱慧敏,MW,



提婚事眼濕濕

上周五( 10日),剛回港的朱慧敏,出席公開活動時,被現場記者追問與 Eddie的婚事時,原本笑笑口的她即面有難色,眼紅紅地說:「唔識答,希望大家唔好再問,因為我好眼淺。」

打頭陣

獨家內幕 朱慧敏拒為 Eddie生仔 吵大鑊爆終極分手

朱慧敏因未婚夫 Eddie(彭懷安)夜會𡃁模,雙方陷冷戰,女方出走美國散心。 Eddie為箍煲,每天返工、放工都越洋向女友報到,更承諾戒煙戒酒戒夜蒲。朱慧敏一度心軟,還應承 Eddie在兩個月後,中秋節晚上與未來奶奶吃飯過節。

正當二人有望和好之際,本刊收到消息,日前二人在電話中,提到生仔問題時又再吵大鑊。據知朱慧敏因家族有乳癌遺傳基因,屬高危一族,為免影響下一代,遂決定唔生。豈料 Eddie大發雷霆,最後更發難 cut線。朱慧敏心死,終極斬纜。

上周五( 10日)朱慧敏出席公開活動,提到 Eddie時,將對方降呢為「生意拍檔」,四年感情,正式告終!







與朱慧敏相戀四年, Eddie三番四次被影到夜會女伴,但朱慧敏次次原諒,並對男友投信任票,不過今次朱慧敏嬲到要即刻赴美散心兼取消婚宴,態度明顯比以往決絕。適逢今年華星冰室首度推出月餅, Eddie以股東身份,多次打電話邀請身在美國治情傷的女友落舖頭幫手賣月餅,藉此箍煲。據知朱慧敏考慮數天後便答應出席。老闆娘將會回歸, Eddie即興奮通知西環分店員工上下,打算在中秋節當日一齊切燒豬吃做節飯。

再開拖冇得掹

朱慧敏和 Eddie拍拖四年,本已 plan定明年二月結婚,可惜在籌備婚禮期間,男方夜會𡃁模斷正,準新娘即飛往美國散心。其實早前 Eddie曾成功冧掂朱慧敏回心轉意,但二人傾到生仔問題又再開拖,迫使朱慧敏終極斬纜。

攬女惹禍

Eddie與朱慧敏拍拖期間,先後被影到夜會𡃁模和女伴。據知他現時已戒煙戒酒戒夜蒲,但最終徒勞無功。

承諾戒夜蒲

Eddie成功越洋箍煲,同時他在港亦「自動波」守行為。 Eddie身邊人說:「呢兩個月 Eddie日日準時落舖頭,收工就返屋企打機、睇波,都冇約人劈酒。佢仲應承 Queenie(朱慧敏),以後戒煙戒酒戒蒲,女性朋友更加唔會單獨見。佢話聽得出 Queenie語氣軟化咗。講真,當初 Queenie嬲 Eddie都係出於面子問題,個男朋友一次又一次俾人影到相,即係唔俾面自己,今次再唔發火真係講唔通。佢飛去美國咁遠就係想諗清楚呢段感情仲 work唔 work,佢之後發覺對 Eddie仲有感情,其實都仲想同對方結婚,只係未下到火,呢兩個月先唔肯同 Eddie見面。」

Eddie見與女友關係有好轉跡象,待女友在上月尾從美返港後,在電話中膽粗粗重提結婚問題,提出重新籌備婚禮。可是,當二人談到生仔問題時,又起爭執。在該次談話中,朱慧敏向 Eddie表示,以往她打算生仔,全因對這段感情有信心,可是, Eddie多次令她失望,亦擔心結婚後, Eddie會故態復萌,因此對生 B有顧慮。

Eddie冇蒲頭

上月尾( 30日),戴口罩的朱慧敏由美國返港,但全程不見 Eddie接機。圖片

周一( 13日),記者致電朱慧敏,追問她與 Eddie因生仔一事再吵大鑊時,她以 WhatsApp回覆指對感情事已回應太多,現只想專注工作。

以往孖公仔

絕跡華星:朱慧敏有份入股 Eddie所開的華星冰室,早前西環分店開張時,二人幾乎日日都孖實睇舖。

依家一支公

婚事告吹,朱慧敏自此絕跡華星,近日只得 Eddie一支公在舖頭看檔。

乳癌懷孕風險高

除了對男方冇信心,本身屬高危乳癌一族的朱慧敏,外婆、媽媽以及阿姨,相繼因這個病去世,過身時全都不足 50歲。早前朱慧敏亦透過自己的家庭醫生,得知家族有乳癌基因的女性,懷孕時會增加母親患病風險,同時亦有機會將基因傳予下一代。因此思前想後,她才有「唔生 B」決定。知情人說:「以往佢同 Eddie關係好時,就算有風險都想生 BB組織家庭,但依家咁嘅情況, Queenie梗係唔想搏 Eddie本身係火爆型,聽到 Queenie話唔生即刻反枱咁滯,最後仲嬲到 cut埋線,搞到咁, Queenie就把心一橫決定分手嘞!」

脫離大台

據知,朱慧敏兩個月前已約滿大台。回復自由身的她,往後所接的工作,全部都靠自己。

搵老師學唱歌

由於要𢱑銀供樓,近日接下不少內地登台騷的朱慧敏,上周五( 10日)便到旺角上海街上門搵老師學唱歌。

有生仔壓力

知情者續說:「因為 Eddie媽咪俾咗好大壓力佢,佢係長子,對下有個妹。其實最初佢哋決定結婚,都係因為 Eddie媽咪、 auntie不斷同佢兩個講,佢哋年紀都唔細啦, Queenie 34, Eddie就 36,拖拖吓就 40㗎喇。不如早啲結婚生仔,所以 Eddie咁唔定性都決定結婚。」

以往在公開活動,朱慧敏曾揚言婚後要生 10個,上周五( 10日),出席活動時就轉軚說:「現今女性結婚、生仔唔係必須!其實婚姻係一世嘅事,我唔想搞得唔愉快,結咗婚又離婚就冇意思!」其後她再補充說:「因為呢件事講得太多啦,唔想再講佢,想專注番事業。」為這段感情正式畫上句號。

結局零對白

有指朱慧敏一直被拍檔黎諾懿針對,令她在最後一集《愛•回家》遭滅聲零對白。加上不被大台重用,難怪她寧願北上𢱑銀,都不與大台續約。

內地拍處女劇

朱慧敏早前到美國治情傷,返港前原來到杭州接拍了一套內地劇《暖男記》,與秦沛和翁虹等做對手戲。據知她近日已接了另一套懸疑驚慄片,日內便出發到遼寧,並在當地逗留三個月。 Eddie想掹,應該好渺茫。

慳搭地鐵

無論感情和事業,均回復自由身的朱慧敏,為慳錢,出入都會揀搭地鐵。

長留內地拍劇

一直遭大台投閒置散的朱慧敏,今年五月決定不與大台續約,回復自由身的她,剛巧感情亦回復單身,為𢱑銀供樓,決定北望神州,自己接 job。據知早前她由美國返港,隨即到杭州拍攝一部內地劇《暖男記》,劇中同樣飾演律師角色,作為北上掘金的試金石。稍後她亦將赴遼寧拍另一套懸疑驚慄片,這次戲份較重,故會留在當地逾 3個月,順道接登台騷等其他工作。

阿媽催生仔

據知,由於 Eddie是家中長子嫡孫, Eddie母親一早催促二人結婚後要立刻造人。當朱和 Eddie關係好時,女方不理自身危險,應承男方會生 B,亦經常帶 Eddie姨甥仔出街。但近日二人舊事重提,朱慧敏坦言不想為這個男人而冒險。

朱慧敏與 Eddie早前孖實去揀金器,但無奈最後婚事告吹。

Eddie無奈:都盡咗力

對於與朱慧敏關係,本身話會追番未婚妻的 Eddie,坦言仍視結婚為目標。「當然希望可以同諧到老呢個係我最終目的,但依家太多嘢要處理。」

本周三( 15日)下午 4時, Eddie現身西環華星舖頭,對於與朱慧敏最終分手收場, Eddie尷尬地說:「我哋……冇分手呀,隨緣,大家都盡咗力為段感情做嘢,最終結果係點?其實大家都未知!(係咪因為佢唔肯生?)咁我哋好鍾意小朋友嘅,佢都未生過,都唔知生唔生到。係囉,都未試過,呢啲都係傳言啫!(媽咪俾你好大壓力?)當然我都想有個孫俾佢湊吓嘅。」

乳癌基因容易遺傳

根據婦產科靳嘉仁醫生所指,若果家族本身有多個直系親屬或緊密關係的親戚曾患乳癌,後代亦較大風險患上乳癌。一旦懷孕,媽媽遺傳乳癌基因給 BB的風險亦相應增加。

他表示:「其實家族性乳癌遺傳嘅人,係可以懷孕,但我哋醫生就會 concern會唔會遺傳俾下一代。而本身已確診有乳癌者,懷孕會令乳腺同乳房變大,乳癌腫瘤亦都會隨即變大,增加癌症死亡風險。」

定期驗乳

朱慧敏外婆與母親先後因乳癌病逝,本身屬高危一族的朱慧敏,早年曾被本刊拍到在東華醫院內設的乳病中心覆診。

阿姨乳癌病逝

09年,朱慧敏的 40歲阿姨亦因乳癌病逝,當日朱出席喪禮時,哭成淚人。

情場黑仔王

朱慧敏 04年港姐得亞軍,多年來屢遇花弗男。至今已 34歲的她,仍未找到一個真的可付託終身的男人。

梁榮忠「車震」

05年,梁榮忠背住拍拖 8年女友鍾麗淇,與朱慧敏在車上激吻。事後,朱慧敏除了慘遭無綫雪藏外,更被冠以「第三者」的惡名,朱慧敏曾呼寃表示不知男方有女友。

圖片

台灣富二代悔婚

09年,朱慧敏與在台灣做 IT生意的富豪男友 Rick Chang拍拖,其間更坦言隨時嫁得。豈料 Rick被傳媒踢爆在台灣攬咀辣妹,最終 Rick悔婚,兩人分手收場。

鍾意就快D Share啦!