網頁

請重新LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年7月8日 星期三

姊妹同心 簽蕭定一 靚家姐做軍師 牛雜妹:唔拍全裸戲 [FACE - 424] 蕭定一,李美琪,牛雜妹,MF,



Monnie同家姐 Charlia(左)感情好好,二人經常糖黐豆孖住出街,妹妹有意向娛圈發展,曾經做公關工作嘅家姐梗係會幫一把!網上圖片

真面目

姊妹同心 簽蕭定一 靚家姐做軍師 牛雜妹:唔拍全裸戲

曾參選港姐嘅牛雜妹李美琪( Monnie),雖然無緣入圍港姐複賽,但網民就 like爆佢夠「 true」嘅性格,人氣急升,至今已經有 4間公司爭住簽,前途一片光明。

Monnie現時仲搵埋靚女家姐 Charlia做軍師,據知以蕭定一嘅「中國 3D數碼娛樂」呼聲最高,準備殺入影壇。不過 Monnie對自己底線好堅定:「一定唔會拍全裸、半裸鏡頭,亦唔希望拍一啲意識不良或意淫嘅作品!」好 pure好 true呀!

12歲已經落鋪幫手嘅 Monnie,網民 like爆佢夠「 true」嘅性格!

原來牛雜妹係由家姐 Charlia提名參選今屆港姐,雖無緣晉升複試,不過星運反升,索家姐 Charlia仲穿針引線, Monnie有望成為蕭定一旗下藝人,距離買間泳池屋俾老竇邁進一大步。

本週傾合約細節

一篇網記令 22歲 Monnie人氣急升,網民勁 buy佢性格夠「 true」,最近仲同張建聲演出短劇,加上有位做開公關工作的家姐做軍師, Monnie都好識賣口乖,「所有工作洽談都交咗畀我家姐同佢啲 partner負責,始終呢方面佢哋比較有經驗!」

除咗網民 like,就連經理人公司都爭崩頭,現今已有 4間公司向 Monnie招手,其中以蕭定一呼聲最高。 Monnie說:「同蕭生之前有初步見面,不過合約內容就未傾,下個禮拜(本星期)會再上去了解更加多內容。」至於問到拍戲底線, Monnie就好堅定:「我一定唔會拍全裸、半裸鏡頭,亦唔希望拍一啲意識不良或意淫嘅作品!希望拍多啲帶有正面訊息嘅作品畀觀眾!發展方向希望拍電影、電視、廣告同主持為主。」

據知蕭定一欣賞 Monnie夠後生又有 talent,口才唔錯兼對傳媒應付自如,梗係爭住簽做旗下藝人

雖然 Monnie無緣入圍港姐,不過星運反而更暢順,仲同時有 4間公司招手。網上圖片

勁減 12磅

準備入娛圈大展拳腳, Monnie亦積極裝備,她說:「𠵱家仲係努力中,當初參選 122磅到𠵱家 110磅,因為屬水腫身形,要 keep住檢查身體脂肪量、肌肉量同水份,希望修番靚啲線條,知道啲骨比較重、粗大,盡可能練番結實啲。」

問到工作安排, Monnie坦言已推了《男極探射燈》一片,「書展會出席活動,公益金有一個分享會,另外會幫一間美容脫毛公司拍宣傳片。經過同屋企人商量,覺得未 ready拍《男極探射燈》呢部電影,已經拒絕咗。」

齋晒三點式

唔好睇 Monnie(左)平時衣着密密實實,私底下同家姐 Charlia三點式上陣晒身材,好少見㗎!網上圖片

Monnie一家人相處融洽,一有時間就會一家人去旅行。網上圖片

Monnie呢位索家姐 Charlia又後生又省鏡,其實自己選埋港姐都得喎!網上圖片

Keep住出鏡

Monnie贏得人氣,工作接住有,梗係搏到盡,成功減磅入行囉!

Monnie孖住張建聲接拍余迪偉新書短劇,雖然未簽約蕭定一,但當日兩人已經以師兄師妹相稱。

Monnie雖然冇得晉升港姐複試,不過呢篇網誌勝在夠「 true」,網民睇完仲好 buy,人氣因此急升添。

Monnie上星期盛裝出席電影首映禮,仲大晒減肥成果。《蘋果日報》圖片

退選仲好發展

今屆港姐由十優港姐麥明詩由頭帶到落尾,突然殺出個黑馬勁敵龐卓欣( Ada),不過自己知自己事,明知都係陪跑,所以唔少佳麗都選擇自動退出,可能喺娛樂圈有更好發展喎。

翻版洛婷

有「翻版楊洛婷」之稱嘅 Mandy,雖然樣靚身材正,不過就因為抵受唔住輿論壓力而退出唔玩,有網友表示支持、亦有網友表示反感。

網上圖片

谷胸心悠

有「谷胸心悠」之稱嘅 Celine以私人理由退選,不過就活躍於 fb,仲不時大晒性感相。

網上圖片

網上圖片

女版立基

退選仲有「女版張立基」 Judy,當日面試着住逼爆背心 look非常經典。

網上圖片

網上圖片

鍾意就快D Share啦!


Related Posts Plugin for WordPress, Blogger...