全城熱爆的娛樂八封新聞 & 時事趣聞 & 生活 + 趣聞
早前周嘉儀一身 pink lady造型，去咗企滿人嘅中環 Zara鳩嗚，場中有唔少人認得女神，不過女神都冇理，繼續玩電話自娛。
女神唔一定遙不可及嘅，好似離開大台新聞部嘅周嘉儀，𠵱家除咗出騷外，平時喺興業證券市場拓展部返工負責市場推廣，全知言成日喺中環撞到佢，好似上週三（ 8日）就喺上環 Zara，發現女神睇減價貨啦，當日個場減價企滿人，當然唔少人眼甘甘望住佢啦，但女神都冇尷尬，只因周嘉儀全程都係望住部電話，入到鋪頭都唔覺佢有睇衫就走人！
嘉儀 BB真係好鍾意玩手機㗎，上次先被人影到同疑似男友親密對話內容，但佢都好似唔 care咁，冇話要加番張防偷睇芒貼，似乎未學精喎！
女神好鍾意玩電話㗎，又手寫又錄音，今次又有冇 send「錫錫」 emoji俾對方呀？
周嘉儀相當親民，遇到市民要求合照即刻停步任影。
女神着到咁靚都係迫 van仔咋，就算企滿麻甩佬依然淡定，不過就好似冇人發現女神企隔籬喎。
