網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年7月22日 星期三

私家居 豪晒私房 楊千嬅廚房大過你個廳 [FACE - 426] 楊千嬅,千嬅,MF,



千嬅的五星級超大廚房,空間感十足,雪櫃門上個芝麻街公仔好搶眼,唔知係咪 Torres貼上去呢?電視畫面

真面目

私家居 豪晒私房 楊千嬅廚房大過你個廳

明星參加真人騷,觀眾最想睇他們露出真面目之餘,當然都好關心明星的私生活!

楊千嬅破天荒同老公丁子高一齊參加內地節目《極速前進 2》(《 Amazing Race中國版》),貴為天后的千嬅多次因唔夠醒目慘被老公呼喝,在熱帶雨林鬥快生火烤魚時,急躁丁子高忍唔住在鏡頭前失控喪鬧老婆「妖,你行開!」,娛樂性十足!

為賺千萬人仔,真性情冇得收埋,估唔到連私竇都要出賣。丁生丁太早年買入的 2,700呎豪宅首曝光,單睇個廚房,都大到可以劏開幾間棺材房有餘!

自從 12年誕下兒子 Torres,楊千嬅開始選擇性接 job,工作量可能未及之前,但吸金力卻有增無減;加上 13年憑《春嬌與志明》成為影后,《五個小孩的校長》又大收過 4千萬,令千嬅更搶手,唔憂冇人搵!

千嬅鍾意喺屋企走廊影相放上網同粉絲分享。網上圖片

連千嬅都肯公開私房,反而 G.E.M.上次公開屋企廚房出事後,唔敢再俾家居曝光。電視畫面

半億豪宅首曝光

早前千嬅及丁子高以 1千萬人仔接拍內地真人騷《極速前進 2》,要去勻世界各地接受挑戰完成任務。雖然開拍前千嬅因呼吸道感染及輕微肺炎而留院,不過睇錢份上都要頂硬上,寧願將廣州演唱會延期都要接大陸騷。

收得天價,自然冇得再收收埋埋。攝製隊直踩上丁氏夫婦屋企拍攝,對於一向低調的千嬅,算係好大犧牲。首度曝光的千嬅私房,位於港島陽明山莊,面積達 2,700呎,由千嬅兩公婆在 10年 12月以 4,350萬買入,現時市值近 5,500萬。

千嬅明顯甚少下廚,煮意粉都煮到一鑊粥,水滾都唔知!電視畫面

千嬅鍾意請朋友上屋企玩,淨係碗已經有幾十隻!電視畫面

雜物枱上有奶粉、麥片等食物,應該係 Torres嘅糧食!電視畫面

丁子高坐住等千嬅煮意粉,佢身後嘅大焗爐同雙門巨型雪櫃,唔係一般住宅可以放得落。電視畫面

千嬅怕攰唔追女

其中一 part影住千嬅煮意粉,嘩,原來天后個廚房唔講得少,分分鐘大過公屋一人單位!甚少入廚的千嬅,有齊焗爐及巨型雪櫃等設備,仲擺得落一張飯枱,另外又有雜物枱專門放 Torres的奶粉,恨死一眾擠迫戶呀!

屋企空間十足,生多幾個小朋友絕對冇問題,連丁子高早前都開到聲想追多個女。不過事業心重的千嬅講明未有計劃,「戲入面可以為個女扮公主、當佢朋友咁傾偈,但原來湊女好攰,同湊仔係兩回事!老公有個仔就想生女,我驚湊兩個會好攰!」不過 41歲唔後生,丁生想追多個就要氹下千嬅喇!

千嬅屋企有巨型客廳,放棵大聖誕樹做擺設都夠晒網上圖片

落晒窗簾,可見丁生丁太好驚俾人影入屋喎!

躁爆丁生 hea千嬅

《極速前進 2》要求參賽者有無限體力同鬥志, 6對拍檔要去不同地方挑戰不同任務,除了體能,亦考驗二人默契!雖然丁子高同千嬅一齊 8年,不過兩人在節目中表現極端,丁生勁緊張搏到盡,千嬅就懶懶閒勁 hea,超過 9成任務交俾老公做,搞到丁子高忍唔住當眾呼喝老婆,其中一項鬥快烤魚時更差啲爆粗,「妖!你行開!等我嚟!」

電視畫面

電視畫面

鍾意就快D Share啦!