網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年7月30日 星期四

兩入 ICU借錢交租 失寸 Barbie焗做 OL [壹週刊 - 1325] Barbie,夏尉喻,M1,



探熱針

兩入 ICU借錢交租 失寸 Barbie焗做 OL

已經五個月冇蒲頭的寸嘴 Barbie(夏尉喻),上週以 35D爆乳女神打扮出席動漫活動,曾兩度入 ICU,走出死門關的她,年初拍完星爺新片《美人魚》後身體又出問題,惟有推 job保命。半年冇收入, Barbie要厚住面皮問朋友借錢交租,數月前更收起寸嘴轉做 OL,日日搭巴士入大埔返工。

半年零收入

三個月前, Barbie開始在 IT公司任職市務助理,每朝七點起身,由北角出發到科學園返工,全職做 OL,接到賺錢活動或要返內地登台,才會向公司請假。

本週一(七月二十七日),一身套裝打扮的 Barbie在午飯時間抽空接受訪問,坦言生活逼人,焗轉行!

「娛樂圈收入唔穩定,有時好好收入,有時係零,拍《美人魚》因為成日浸喺水,搞到身體好差,醫師話我寒氣重,好多時都瞓唔到,扎醒會成個人濕晒,連床單都濕埋。因為荷爾蒙亂咗,成個人又愈來愈腫,狀態咁差,根本唔想見人。要保住條命,唔可以俾自己太操勞,所以開始去朋友公司返工,過番啲正常生活,亦有穩定收入。」 Barbie說。

講到跟前度分手原因, Barbie忍唔住喊晒。

接受訪問當日, Barbie朝早九點已經返到公司。

因做過心臟手術,左腋有一條長疤痕,她說:「啲人話我隆胸,要做又點會淨係做一邊呢?」

ICU寫遺書

只有三十歲,已經兩度入 ICU徘徊生死邊緣, Barbie更加珍惜健康。

「五年前,我突然暈低,屋企人即刻送我入急症室,發現心臟酵素有問題,原來係突發性心肌炎,喺 ICU第四日,打咗兩次強心劑都冇反應,醫生試過凌晨五點叫晒屋企人嚟見我最後一面,仲要我簽埋遺書。後來轉咗藥先有起色,頭尾住咗 ICU十一日。隔咗幾年,又再復發,心臟積聚咗瘀血,我突然呼吸唔到,嗰次一個人喺屋企,自己打九九九叫白車入院,手術後腋下仲留咗條好長嘅疤痕。」

死過翻生, Barbie不敢再掉以輕心,有真人騷找她到泰國玩危險水上遊戲和沙漠狂奔,統統推掉。冇 job冇收入,連八千蚊租都要開口問朋友借。

「嗰段時間幾乎冇收入,業主又加租,我真係頂唔順,所以問朋友借咗幾萬蚊,而家已經搬返去同屋企人一齊住。生活唔穩定令我好不安,好徬徨;拍戲係體力同精神雙重透支,所以公司鼓勵我休息,等身體好啲先再開工。」 Barbie說。

她在 facebook放了不少開工相,由於打工的是 IT公司,若毋須見客,她會著短褲背心。

日前出席動漫活動, Barbie開始惜肉,在性感長裙下打底。

二月時,本刊拍到她睇中醫,她也在微博透露自己在家煲藥。

拍《美人魚》前,她跟蔚雨芯、松岡李娜等接受游水訓練。

正式拍攝,她連續個幾月都浸在水開工,最後搞到發水腫。

男友介意露肉

做上班族,暫時解決生活問題,對演藝事業的取捨,也令入行以來賣性感的 Barbie十分困擾。

「我覺得自己去到一個樽頸位,不斷重複做呢啲角色會被標籤化,但如果唔再做,又可能冇晒機會。有時我會同自己講,呢啲係角色需要,外界唔會因為咁對我有偏見。坦白講,我都好矛盾。」

父母在 Barbie八歲時離婚,現各有家庭,一家人每年只見面一次,由祖母湊大的她,習慣一個人面對壓力,也練就出樂觀性格,唯有因為工作「行性感」,導致先後跟兩個前度分開, Barbie才無奈到喊。

「同之前兩個男朋友分手,唔多唔少都係為呢樣嘢。頭一年拍拖好甜蜜,大家都聽唔到身邊人講咩,到兩個人有拗撬,就會成為問題。做演員要面對唔穩定生活,拍戲投入角色之後又要識得抽離,好多嘢外間人未必諒解,有時都好無助。不過我都樂觀嘅,相信有日會搵到明白我嘅人。」 Barbie說。

2013年拍《黑色喜劇》時, Barbie依然瘦底,到今年二月出席《台北夜蒲》宣傳活動,她已經暴脹兩個碼,上圍升到 36G。

拍《喜愛夜蒲》前,她自言去足蘭桂坊一個月夜蒲實習,才可以投入角色。

二月中為電影做宣傳,她說:「電影宣傳冇錢收,所以二月開始,我有五個幾月冇收入。」

開始返工做 OL, Barbie間唔中才返內地登台,她說:「好過去飯局搵錢,嗰啲地方唔啱我。」

為慳錢, Barbie搬返屋企跟祖母及妹妹一齊住,她也經常帶姨甥女去玩。

燃眉之急

娛樂圈表面風光,不少藝人都經歷過窮到燶的日子,冇錢交租要賒借度日。

王君馨

試過將接近六位數字的積蓄借給朋友,慣咗豪食豪買的王君馨才發覺自己原來冇錢交租,救人救唔到自己,要契媽伸出援手,免費借屋住半年,才不至流落街頭。

杜汶澤

在亞視時期的杜汶澤入不敷支,試過欠租金三個月,都要做租霸賴死唔搬走;當時王晶搵他拍戲,但公司經理人部主管卻從中阻攔,情急下杜汶澤跪求對方放人,結果獲放生接戲,終於有錢交租。

吳國敬

入行初期,吳國敬因喪母無心工作,積蓄用盡,窮到冇錢開飯,亦冇錢交租,幸有自小認識的好兄弟張衞健,無條件送錢上門,解他燃眉之急。

鍾意就快D Share啦!