掃呢頁CODE去手機

2015年7月24日 星期五

田蕊妮  OT湊 B [忽然1周 - 1043] 田蕊妮,MW,



雙手抱得

阿田同爸爸媽媽,仲有姪仔一齊行街,睇落阿田皮膚白滑, keep得幾好喎!

媽咪姐

田蕊妮  OT湊 B

嗱,人生就係要積極樂觀啲,就好似田蕊妮,喺亞視做到曉飛都冇人識,但努力總會被看見!自從佢過檔大台,即刻被力捧,劇接劇呀。最近又有新劇《鬼同你 OT》出街,收視好過套合拍膠劇《風雲天地》多多聲!講真,阿田勝在夠入屋,同胡定欣夾得又好又自然。我哋香港人真係識睇劇㗎囉!







講番 37歲嘅阿田,佢事業有成,老公杜汶澤拍戲又有番咁上下成績,睇落好似好幸福美滿,不過又硬係差啲嘢咁,差啲咩?之唔係小朋友囉!

早年阿田兩公婆有共識話唔生,不過佢「口裏說不,身體卻很誠實」。日前媽咪姐喺銅鑼灣見到阿田唔使開工,都「開 OT」陪爸爸媽媽行街街,佢仲全程抱實姪仔唔放,啲母愛洋溢到呢!查實小朋友真係好鬼 cute,你哋又養得起,快啲同老公仔傾吓,調整吓生育大計啦。

夏日炎炎,阿田都抱實姪仔唔放,啲母愛出晒嚟!

單手亦得

行完街,一家行去時代廣場攞車。阿田由雙手抱 B,忽然變咗單手,一樣健步如飛,明顯訓練有素。

直至要揸車,阿田先捨得放低姪仔俾阿爸抱咋。

其實平日阿田都不時「拐帶」朋友啲得意 BB影相,愛心爆棚!難得啲 BB又好 like佢喎。自己生番個

視后出手

《鬼同你 OT》首周收視有 26點,比扮勁大製作嘅《風雲天地》多成 4點!咁又係,睇視后田蕊妮同攞過大台最佳女配角嘅胡定欣「一人一鬼」同步做動作嗰種合拍,已經好正!阿田話呢場戲拍咗 4次先做到,「在場嘅人都睇到拍晒手!話我哋好似 twins咁呀。」

其實拍緊嗰時, 3位主角真係 friend咗!陳豪 nice就係人都知,難得田蕊妮同胡定欣第一次合作都咁有默契。

阿田兩公婆都信佛,佢前兩日 post咗段活佛嘅說話,話做人「沒有天長地久的幻想,反而有意想不到的解脫,我們的關懷與愛心變得沒有附帶條件」,難怪佢咁錫小朋友啦。

鍾意就快D Share啦!